20-iyul holatiga ko‘ra, joriy yilgi qabulda 600 mingdan ortiq bola davlat umumta’lim maktablarining 1-sinfiga qabul qilindi. Mikrohudud doirasidagi qabul 31-iyulgacha davom etadi, undan so‘ng bo‘sh o‘rinlardan kelib chiqib ikkinchi bosqich boshlanadi.
Xabaringiz bor, Maktabgacha va maktab taʼlimi vazirligi tizimidagi davlat umumtaʼlim maktablarining 1-sinfiga qabul jarayonlari davom etmoqda.
Joriy yilning 20-iyuliga qadar umumtaʼlim maktablarining 1-sinfiga 600 065 nafar (322 944 nafari onlayn, 277 121 nafari anʼnaviy tartibda) bola qabul qilindi.
Hududlar kesimida:
– Qoraqalpog‘iston Respublikasi — 32 093 nafar;
– Andijon viloyati — 56 884 nafar;
– Buxoro viloyati — 28 993 nafar;
– Jizzax viloyati — 27 696 nafar;
– Qashqadaryo viloyati — 70 135 nafar;
– Navoiy viloyati — 14 190 nafar;
– Namangan viloyati — 52 022 nafar;
– Samarqand viloyati — 72 697 nafar;
– Surxondaryo viloyati — 54 686 nafar;
– Sirdaryo viloyati — 12 442 nafar;
– Toshkent viloyati — 46 849 nafar;
– Farg‘ona viloyati — 68 563 nafar;
– Xorazm viloyati — 30 522 nafar;
– Toshkent shahri — 32 293 nafar.
Shuningdek, 2026-2027-oʻquv yilida respublika bo‘ylab 135 ta tuman va shahardagi 5 690 ta maktab (umumiy maktablarning qariyb 60 foizi)da qabul jarayonlari onlayn tarzda tashkil etilmoqda.
Eslatib oʻtamiz, mikrohudud doirasidagi qabul jarayonlari joriy yil 31-iyulga qadar davom etadi.
Ikkinchi bosqichda esa 1-avgustdan keyin mikrohududdan tashqaridagi qabul maktablarning bo‘sh o‘rinlari va imkoniyatlaridan kelib chiqib amalga oshiril adi.
Arizalarni MMTV ning my.maktab.uz elektron platformasi yoki Yagona interaktiv davlat xizmatlari portali — my.gov.uz orqali yuborish mumkin.
Avvalroq, 1-sinfga qabul jarayonlaridagi kadastr muammolari bo‘yicha tezkor shtab tashkil etilgani haqida xabar bergan edik.
