Jizzax viloyati Gʻallaorol tumani ixtisoslashtirilgan maktabining 11-sinf oʻquvchisi Akramova Munisa Begzod qizi 5 ta fandan milliy sertifikatlarni qoʻlga kiritdi.
Natijalar:
Kimyo – 71.82 ball (A+)
Biologiya – 68.94 ball (A)
O‘zbek tili va adabiyot – 60.63 ball (B+)
Tarix – 56.89 ball (B)
Matematika – 52.23 ball (C+)
Avvalroq, Angrenda bir maktabning 20 nafardan ortiq o‘quvchisi tarix, biologiya va o‘zbek tili fanlaridan milliy sertifikatlarni qo‘lga kiritgani haqida xabar bergan edik.
Ma’lumot uchun, test natijalari xalqaro metodika – Rash modeli asosida hisoblangan bo‘lib, talabgorlarga to‘plagan bali asosida quyidagicha sertifikat taqdim etiladi:
70 balldan yuqori ball — A+ daraja;
65 – 69,9 ball — A daraja;
60 – 64,9 ball — B+ daraja;
55 – 59,9 ball — B daraja;
50 – 54,9 ball — C+ daraja;
46 – 49,9 ball — C daraja.
Sertifikatga ega abituriyentlarga OTMlarning bakalavriatiga kirish test sinovlarida quyidagi tartibda ball beriladi:
- A+, A darajali sertifikat uchun — tegishli mutaxassislik fanidan maksimal ball;
- B+, B, C+, C darajali sertifikat uchun — tegishli mutaxassislik fanidan proporsional ball;
- A+, A, B+, B, C+, C darajali sertifikat uchun — tegishli majburiy fandan maksimal ball.
Akademik litseylarga kirish test sinovlarida sertifikati mavjud o‘quvchilarga tegishli fandan maksimal ball beriladi.
