Shveysariyada xarajatlari qoplanadigan 2 oylik yozgi dastur — ETH Student Summer Research Fellowship

Talabalar uchun Shveysariyada xarajatlari qoplanadigan 2 oylik yozgi tadqiqot dasturi — ETH Student Summer Research Fellowship taqdim etiladi.

Dasturdan asosiy maqsad bakalavriat va magistratura talabalariga oʻzlari tanlagan sohasida birinchi tadqiqot tajribasini olish imkoniyatini yaratishdan iborat.

Quyidagi sohalarda tadqiqot olib borish imkoniyati mavjud:

– Machine Learning;

– Information Security;

– Computer Systems;

– Robotics;

– Programming Languages and Software Engineering;

– Bio/Medical informatics;

– Human-computer interaction;

– Theory;

– Visual Computing.

Dastur 2026-yil 1-iyuldan 28-avgustgacha davom etishi rejalashtirilgan.

Dastur haqida batafsil ushbu havola orqali maʼlumot olish mumkin.

Maqbullik shartlari

Kompyuter fanlari yoki unga yaqin yoʻnalish (masalan, elektrotexnika, matematika, fizika) boʻyicha bakalavr yoki magistratura dasturida oʻqiyotgan talabalar qatnashishi mumkin.

Dasturda toʻliq qatnashish kerak.

Ingliz tilini yaxshi bilish lozim. Til bilish sertifikati soʻralmasa ham ingliz tilini yaxshi bilish talab etiladi va u suhbat davomida baholanishi mumkinligini inobatga olish kerak.

Hozirgi bakalavriat yoki magistratura dasturidagi kutilayotgan bitiruv sanasi dastur tugagan yildan keyingi yilga yoki undan keyinga toʻgʻri kelishi kerak.

Dastur boshlanguncha nomzod kamida ikki yillik oʻqishni tamomlagan boʻlishi lozim (magistratura talabalari bu shartga tabiiy ravishda mos keladi).

Muhim: Ishtirokchi tanlagan tadqiqot yoʻnalishlari boʻyicha kurs yoki loyihalar orqali maʼlum bilimlarga ega boʻlishi kerak. Bu yoʻnalishni noldan oʻrganish gʻoyasi bilan sohani tanlamaslik talab qilinadi.

Foydali tomonlari

Dastur bir qator qulayliklarni taqdim etadi:

– turar joy va yashash xarajatlarini qoplash uchun 4,000 CHF (~5,000$) miqdorida stipendiya beriladi;

– sayohat va viza xarajatlari qoplanadi;

– turar joy bilan taʼminlanadi;

– Shveysariyaning goʻzal togʻli manzaralarini oʻrganish imkoniyati.

Eslatma: Talabalar dastur boshida sayohat xarajatlarini sarflagan xarajatlari koʻrsatilgan cheklar boʻyicha qaytarib olishlari mumkin.

Hujjat topshirish

Dasturda qatnashishni istaganlar ushbu havolaorqali ariza topshirishlari mumkin.

Hujjat topshirishda quyidagilar soʻraladi:

– shaxsiy maʼlumotlar;

– rezyume (ingliz tilida). Tashqi sahifaga Europass formatidan foydalanish kerak;

– universitetdan rasmiy akademik transkript (ingliz, nemis, fransuz yoki italyan tillaridan birida boʻlishi mumkin);

– nomzodning GPA darajasi. Universitet taqdim etgan baholash tizimidan foydalanish lozim. Agar magistratura bosqichining birinchi semestridagi GPA bali hujjat topshirish paytida hali mavjud boʻlmasa, bakalavr darajasining yakuniy GPA balini koʻrsatish mumkin;

– ingliz tilidagi motivatsion xat/shaxsiy bayonot (maksimal 1 sahifa).

Ariza topshirishda quyidagilarga eʼtibor berish kerak:

Arizalar taqdim etilgan hujjatlar asosida baholanadi. Shuning uchun barcha hujjatlar va maʼlumotlar haqqoniyligi va toʻgʻriligini tekshirish lozim.

Parol bilan himoyalangan PDF fayllarni yuklash mumkin emas.

Hujjatlarni PDF formatda taqdim etish kerak.

Faqat barcha kerakli hujjatlar bilan toʻldirilgan arizalar koʻrib chiqiladi.

Nomzod oʻzining ismini bosh harfda yozmasligi kerak.

Faqat SiROP orqali taqdim etilgan hujjatlar koʻrib chiqiladi.

Ariza topshirish quyidagi bosqichlardan iborat:

SiROP orqali roʻyxatdan oʻtish kerak (yangi oyna ochish uchun CTRL+ tugmasi bosiladi). Roʻyxatdan oʻtish uchun taqdim etilgan roʻyxatda nomzod oʻzining universitetini qidirishi yoki elektron pochta manzili yordamida hisob yaratishi kerak. Roʻyxatdan oʻtgandan soʻng SiROP nomzodga oʻz muassasasi bilan hamkorlik qilishni taklif qiladi. Ishtirokchi ariza topshirishi uchun bunday hamkorlikni yaratish shart emas.

SiROP orqali roʻyxatdan oʻtishni tugatgandan soʻng ushbu havola orqali ham roʻyxatdan oʻtish soʻraladi.

SiROP ning yuqori qismidagi “Hozir ariza topshirish” tugmasini bosiladi.

Rasmiy havola

Hujjat topshirish