Prezidentning 2023-yil 13-apreldagi “Bozor tamoyillariga asoslangan ipoteka kreditlari orqali aholining uy-joy bilan ta’minlash dasturini amalga oshirish chora-tadbirlari to‘g‘risida”gi PF-51-son farmoniga ko‘ra, ayrim toifadagi o‘qituvchilarga imtiyozli shartlarda subsidiya ajratilishi belgilangan.
Joriy yilgi arizalar qabuli 2-oktyabrdan boshlandi.
Davlat xizmatlari markazlari (yagona darcha)ga bevosita murojaat qilish.
my.gov.uz portali orqali elektron tarzda.
MyGov mobil ilovasi orqali.
Imtiyozdan foydalanish huquqiga ega bo‘lgan toifaga kasb-hunar ta’limi muassasalarida muhandislik, ishlov berish va qurilish yo‘nalishlarida dars beruvchi o‘qituvchilar hamda o‘quv amaliyotini olib boruvchi ta’lim ustalari kiradi. Ularga uy-joy xarid qilish uchun subsidiya imtiyozli asosda beriladi.
