Rossiyada oʻqituvchilar oʻquvchilar tomonidan berilgan sovgʻalarda hissiyotlarga alohida ahamiyat berishadi. VK hamjamiyatlar boʻlimi va NAFI tahliliy markazi tomonidan oʻtkazilgan soʻrovnomada 24 yoshdan 65 yoshgacha boʻlgan 500 maktab oʻqituvchisi ishtirok etgan.
Soʻrovnoma natijalariga koʻra, oʻqituvchilar emotsiya beradigan sovgʻalarni amaliy sovgʻalardan afzal koʻrishini koʻrsatgan.
80% dan ortiq oʻqituvchilar quyidagilarni eng yaxshi sovgʻalar deb hisoblashgan:
– oʻquvchilar bilan birgalikda olingan suratlar,
– video tabriklar;
– shaxsiy tilaklar yozilgan tabriknomalar;
– ijodiy chiqishlar;
– qoʻl mehnati buyumlari;
– kino yoki muzeyga birgalikdagi safarlar.
Gullarni eng yaxshi sovgʻa deb bilgan oʻqituvchilar 72% ni tashkil qilgan.
Quyidagilar amaliy sovgʻalar orasida eng koʻp maʼqullangan:
– kitoblar (80%);
– kanselyariya vositalari (74%);
– kabinet jihozlashga yordam (70%);
– madaniy tadbirlarga chiptalar (66%);
– qahva va choy (66%).
Oʻqituvchilarning aksariyati (73%) sovgʻaning eng muhim jihati unga kiritilgan his-tuygʻular deb hisoblaydi. Shuningdek, 69% ining fikricha, eng qadrli sovgʻalarni doʻkondan sotib olib boʻlmaydi deb hisoblagan.
Oʻn oʻqituvchidan toʻqqizi sovgʻalarni ijobiy qabul qiladi, 10% esa sovgʻalarga salbiy munosabatda. Ayol oʻqituvchilar eʼtibor koʻrsatilishini (47%) erkak oʻqituvchilarga nisbatan (26%) koʻproq qadrlashadi.
35% oʻqituvchilar sobiq oʻquvchilardan hamon sovgʻalar olishda davom etmoqda. Oʻqituvchilarning katta qismi (91%) bitiruvchilar bilan aloqada. Bundan tashqari, 44% shaxsiy uchrashuvlarni aloqaning muhim qismi deb hisoblaydi.
Qonun boʻyicha cheklovlar
Rossiya Fuqarolik kodeksining 575-moddasiga koʻra, taʼlim muassasalari xodimlariga berilgan sovgʻalar qiymati 3 ming rubldan oshmasligi lozim. Biroq bunday sovgʻalar soni qonun bilan cheklanmagan.
