Bunda öquvçilar istagan narsalarini sotib olib, pulini maxsus qutiga taşlab ketişadi. Loyiha muallifi “Yil öqituvçisi” tanlovida ğolib bölgan.
Do‘konda daftar, ruchka va boshqa o‘quv qurollari joylashtirilgan. Uning o‘ziga xos jihati shundaki, xaridorlarga xizmat ko‘rsatadigan sotuvchi yo‘q. O‘quvchilar o‘zlariga kerakli mahsulotni olib, belgilangan pulni maxsus qutiga tashlaydi. Mahsulotga pul to‘lamay olib ketishga qarshi chora ishlab chiqilmagan. Bunda har bir o‘quvchining halolligi va vijdoniga ishoniladi.
Feruz Qobilovning aytishicha, loyiha g‘oyasi Shveysariya, Germaniya va boshqa davlatlardagi shunga o‘xshash tajribalarni o‘rganish jarayonida paydo bo‘lgan. U ushbu tashabbusni maktab sharoitiga moslashtirib, o‘quvchilar orasida sinovdan o‘tkazgan.
Dastlab ayrimlar bunday do‘kon o‘qituvchiga moddiy zarar keltirishi mumkinligini takidlagan. Biroq Feruz Qobilovning aytishicha, loyihaning asosiy maqsadi daromad olish emas, balki bolalarda halollik, ishonch va o‘zini o‘zi nazorat qilish ko‘nikmalarini rivojlantirishdir.
Feruz Qobilov 2026-yilda o‘tkazilgan “Yil o‘qituvchisi” tanlovida g‘olib bo‘lgan. Tanlovning yakuniy bosqichida u “Vijdon do‘koni” loyihasini taqdim etgan. Shuningdek, pedagog Prezident bilan uchrashgan 14 nafar o‘qituvchi qatoridan joy olgan va o‘z tashabbusi haqida davlat rahbariga ma’lumot bergan.
Ushbu o‘qituvchi 616 million so‘m pul mukofoti bilan taqdirlangan. Shuningdek, u “Mustaqillikning 35 yilligi” ko‘krak nishoniga loyiq ko‘rilgan.
