Sirdaryoda ikki nafar Damas haydovchisi bog‘cha bolalarini belgilangan me’yordan ortiq tashigani uchun to‘xtatildi. Ularga nisbatan maʼmuriy bayonnomalar rasmiylashtirilib, profilaktik tushuntirish ishlari olib borilgan.
Sirdaryo viloyati Boyovut tumanida 2 nafar Damas avtomobili haydovchisi belgilangan miqdordan ortiq bog‘cha bolasini tashigani aniqlandi. Haydovchilar tumandagi Yangiobod mahallasida o‘tkazilgan reyd tadbirida yo‘l-patrul xizmati inspektorlari tomonidan to‘xtatilgan.
Haydovchilardan biri mashinada taxminan 10 nafar bog‘cha bolasi borligini aytgan. Ammo inspektor sanab ko‘rganida, mashina salonidagi oldingi qatorining o‘ziga 6 nafar bola sig‘dirilgani ma’lum bo‘lgan.
Yo‘l harakati xavfsizligi xizmatining ma’lum qilishicha, mazkur qoidabuzarlik holatlari yuzasidan haydovçilarga nisbatan maʼmuriy bayonnomalar rasmiylashtirilib, profilaktik tushuntirish ishlari olib borilgan.
Eslatib o‘tamiz. amaldagi yo‘l harakati qoidalariga ko‘ra, odam soni transport vositasining texnik tavsifnomasida ko‘zda tutilgan miqdordan ortiq bo‘lganda odamlarni tashish taqiqlanganligi belgilab qo‘yilgan.
Avvalroq Navoiyda ham Damas’da 33 nafar xususiy bog‘cha bolasi tashilayotgani aniqlangan edi.
