1-sinf oʻquvchilariga “Prezident sovgʻalari” 25-avgustga qadar yetkaziladi

1-sinf oʻquvchilariga “Prezident sovgʻalari” 25-avgustga qadar yetkaziladi

Yangi oʻquv yilida 1-sinfga qabul qilinayotgan oʻquvchilar uchun tayyorlangan “Prezident sovgʻalari”ni hududlarga yetkazish boshlandi.⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠ Oʻquv qurollari 15-avgustga qadar barcha hududlarga, 25-avgustga qadar esa maktablarga toʻliq yetkazilishi rejalashtirilgan.

 ⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠

Maktabgacha va maktab ta’limi vazirligiga ko‘ra, 2026/2027-o‘quv yilida mamlakatdagi 10 225 ta umumta’lim maktabida 550 mingdan ortiq o‘qituvchi 6,7 milliondan ziyod o‘quvchiga ta’lim berishi kutilmoqda.⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠

Joriy o‘quv yilida 795 mingdan ortiq bola 1-sinfga qabul qilinishi rejalashtirilgan.⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠ 5-avgust holatiga ko‘ra, ulardan 680 ming nafari yoki rejaning 85 foizi maktablarga qabul qilingan.⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠

1-sinf o‘quvchilari uchun tayyorlangan “Prezident sovg‘asi” to‘plami 12 nomdagi o‘quv qurolidan iborat.⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠ Unga o‘quv sumkasi, daftarlar, ruchka, oddiy va rangli qalamlar, rangli qog‘oz, plastilin, rasm daftari, o‘chirg‘ich, akvarel bo‘yoqlari, yelim va qalamdon kiritilgan.⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠

Mazkur o‘quv qurollari 15-avgustga qadar barcha hududlarga, 25-avgustga qadar esa maktablarga qabul qilingan o‘quvchilar soniga mos ravishda to‘liq yetkazilishi rejalashtirilgan.⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠

“Prezident sovg‘alari” “Birinchi qo‘ng‘iroq” tadbirlaridan so‘ng 1-sinf o‘quvchilariga tantanali ravishda topshiriladi.⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠ Shuningdek, ular nodavlat maktablar hamda boshqa vazirlik va idoralar tasarrufidagi ta’lim muassasalari o‘quvchilariga ham beriladi.⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠

Vazirlik ma’lumotiga ko‘ra, har bir 1-sinf o‘quvchisini o‘z vaqtida o‘quv qurollari bilan ta’minlash maqsadida adm.maktab.uz elektron platformasi orqali maktablar kesimida o‘quvchilar ro‘yxati shakllantirilgan.⁠⁠‌‌‌‌‌‌‌‌⁠‌‌‌‌‌‌‌⁠‌‌‌‌‌‌⁠‌‌‌‌‌‌⁠‌‌‌‌‌‌‌‌‌⁠⁠