Maktabgacha va maktab taʼlimi vazirining 2023-yil 27-iyundagi 190-sonli buyrugʻiga koʻra sinf rahbarlari oʻqituvchilar orasidan taʼlim muassasasi direktori tomonidan tayinlanadi va ozod etiladi.
Sinf rahbari quyidagi mezonlarga asosan tanlab olinadi:
— kamida 3-yillik pedagogik ish stajiga ega boʻlgan;
— maktabda asosiy ishchi sifatida faoliyat olib borayotgan (umumtaʼlim muassasalarida mehnatini soatbay (shu jumladan oʻrindoshlik) asosda faoliyat olib boruvchi oʻqituvchilarning sinfga rahbarlik qilishiga yoʻl qoʻyilmaydi);
— boshqaruvchanlik qobiliyatiga ega boʻlgan;
— oʻquvchilar bilan ishlash jarayonida masʼuliyat bilan yondasha oladigan.
Boshlangʻich sinflarda sinf rahbarligi boshlangʻich sinfga biriktirilgan oʻqituvchilarga yuklatiladi. Boshlangʻich sinfga tayinlangan sinf rahbari 1-sinfdan boshlab 4- sinfgacha oʻquvchilarga yagona rahbar hisoblanadi. Shu tartib 5- sinfdan 11-sinfga qadar ham qoʻllaniladi.
Bir oʻqituvchiga faqatgina bitta sinf rahbarligi topshiriladi. Direktor oʻrinbosarlari, psixologlar va boshqa sinf rahbari boʻlishi mumkin emas.
Sinf rahbarlari faoliyatini maʼnaviy-maʼrifiy ishlar boʻyicha direktor oʻrinbosari nazorat qiladi va muvofiqlashtiradi.
