Joriy yil 1-yanvar holatiga ko‘ra, O‘zbekistonda kutubxonalar soni 17 763 tani tashkil etgan. Bu haqda Milliy statistika qoʻmitasi xabar berdi.
Statistikaga koʻra, 2026-yil 1-yanvar holatiga Oʻzbekistonda 17 763 ta kutubxona faoliyat yuritmoqda.
Mazkur kutubxonalarda jami 89,2 million nusxa kitob va jurnallar mavjud.
Hududlar kesimida eng koʻp kutubxona Samarqand viloyatida qayd etilgan — 2 044 ta. Undan keyingi oʻrinlarda Qashqadaryo (1 767 ta), Surxondaryo (1 600 ta), Fargʻona (1 575 ta), Namangan (1 477 ta), Toshkent viloyati (1 446 ta) va Toshkent shahri (1 217 ta) joy olgan.
| Hudud | Kutubxonalar soni |
|---|---|
| Samarqand viloyati | 2 044 ta |
| Qashqadaryo viloyati | 1 767 ta |
| Surxondaryo viloyati | 1 600 ta |
| Fargʻona viloyati | 1 575 ta |
| Namangan viloyati | 1 477 ta |
| Toshkent viloyati | 1 446 ta |
| Toshkent shahri | 1 217 ta |
| Xorazm viloyati | 1 100 ta |
| Qoraqalpogʻiston Respublikasi | 1 058 ta |
| Andijon viloyati | 1 058 ta |
| Buxoro viloyati | 1 049 ta |
| Sirdaryo viloyati | 887 ta |
| Jizzax viloyati | 810 ta |
| Navoiy viloyati | 675 ta |
Maʼlumot uchun, ushbu koʻrsatkichga respublika hududidagi barcha kutubxonalar, taʼlim muassasalari, tashkilotlarga qarashli axborot-resurs markazlari hamda axborot-kutubxona markazlari kiritilgan.
Avvalroq, 2 asrlik dunyodagi eng katta kutubxona Kongress kutubxonasi haqida qiziqarli faktlar haqida ma’lumot berilgandi.
