“Xorijiy tillarni oʻqitish boʻyicha eng yaxshi maktab” tanloviga roʻyxatdan oʻtish boshlandi

Prezidentning sovrini uchun “Xorijiy tillarni oʻqitish boʻyicha eng yaxshi maktab” tanloviga start berildi.

Tanlovda ishtirok etish uchun vazirlik tizimidagi umumtaʼlim maktablari 2026-yil 12-fevralga qadar ooo.uzedu.uz platformasi orqali roʻyxatdan oʻtishlari va asosiy koʻrsatkichlar boʻyicha maʼlumotlarni toʻldirishlari talab etiladi.

Xorijiy tillarga ixtisoslashgan maktab va sinf oʻquvchilari tanlovda ishtirok etmaydi.

Tanlov gʻoliblari birinchi (tuman/shahar) bosqichda:

– 1-oʻrin uchun – 100 mln soʻm;

 

– 2-oʻrin uchun – 75 mln soʻm;

 

– 3-oʻrin uchun – 50 mln soʻm pul mukofotlari bilan taqdirlanadilar.

Ushbu mablagʻ 2-bosqichda 250 mln, 3-bosqichda 500 mln soʻmgacha koʻtariladi. (Respublika bosqichi gʻolibi uchun umumiy — 850 mln soʻm )

Oʻtgan oʻquv yillarida tanlovda eng yaxshi natija qayd etgan 280 nafar oʻquvchi va ularning 56 nafar ustozlari Buyuk Britaniya, Germaniya va Fransiya davlatlariga taʼlim sayohatiga yuborilgan.