Joriy yil 15-16-aprel kuni boʻlib oʻtgan attestatsiya test sinovlari vaqtida pedkadr.uzedu.uz platformasida nosozliklar yuzaga kelib, ishlamay qolganligi haqida xabar bergandik.
Shundan soʻng vazirlik rasmiylari faqat 16-aprel kuni test topshiriqlarini toʻliq bajarishga ulgurmagan pedagoglargina qayta attestatsiyadan oʻtkazilishini maʼlum qilgandi.
Yaʼni, 15-aprel kuni test sinovlari vaqtida nosozlik boʻlmaganligi uchun faqat 16-aprel kuni testda ishtirok etgan pedagoglargina qayta test topshirishi aytilgandi.
Bugun boʻlib oʻtgan jonli muloqotda esa vazirlik masʼul xodimi Sardor Raximboyev 15-aprel kuni attestatsiyada ishtirok etgan hamda natijadan norozi boʻlgan barcha informatika fani oʻqituvchilari qayta test topshirishi mumkinligini maʼlum qildi.
“Mazkur jarayonlarda qayta topshirgan oʻqituvchining avval qayd etgan natijalari bekor qilinadi”, – deydi vazirlik mutasaddisi.
