“Fuqarolarning davlat pensiya taʼminoti toʻgʻrisida”gi Qonunning 37-modda “e” bandiga asosan, pensiya olish huquqini beradigan ish stajiga quyidagilar qoʻshib hisoblanadi:
— oliy taʼlim tashkilotlarida (shu jumladan, ularda oʻqish harbiy xizmatga tenglashtiriladigan harbiy taʼlim tashkilotlarida),
— aspiranturada (stajyorlar-tadqiqotchilar- izlanuvchilar institutida),
— doktoranturada (katta ilmiy xodimlar — izlanuvchilar institutida) va klinik ordinaturada tayanch doktoranturada va doktoranturada (oliy taʼlimdan keyingi taʼlim institutida) kunduzgi oʻqish, shu jumladan, chet elda oʻqish.
ESLATMA: Ushbu davr fuqarolarda minimal talab etilgan kamida 7-yil umumiy ish staji mavjud boʻlgandagina qoʻshib hisoblanadi.
Yuqoridagilardan kelib chiqib, institutda taʼlim olingan yillar ish stajiga qoʻshib hisoblanadi.
Oliy taʼlim muassasalarida taʼlim olgan toʻrt yil pensiyaga chiqish vaqtida qoʻshiladi. Lekin, ishga kirishda ish staji sifatida qoʻshilmaydi.
