Jiangsu Universiteti bakalavr, magistratura va doktorantura bosqichlarida oʻqishni rejalashtirayotgan talabalar uchun JSU Prezident Stipendiyasi dasturini eʼlon qildi. Ushbu grant dasturi yuqori akademik salohiyatga ega talabalarni moliyaviy qo‘llab-quvvatlashga qaratilgan.
Ariza topshirish muddati:
2025-yil 14-iyulgacha
Qabul shartlari:
Nomzodlar Xitoy fuqarosi bo‘lmasligi kerak;
Jismoniy va ruhiy jihatdan sog‘lom bo‘lish, Xitoy qonunlariga va universitet qoidalariga rioya qilishi talab etiladi;
Xitoy madaniyatini hurmat qilishi muhim hisoblanadi;
Bakalavr dasturiga nomzodlar 25 yoshdan, magistraturaga 30 yoshdan, doktoranturaga esa 40 yoshdan oshmasligi lozim;
Talabalar yuqori akademik ko‘rsatkichlarga ega bo‘lishlari zarur;
Ingliz tilidan kamida IELTS 5.5 yoki unga teng xalqaro sertifikat talab qilinadi;
Dasturda boshqa grant sohiblari qatnasholmaydi;
Talablar o‘qimoqchi bo‘lgan yo‘nalish va bosqichga qarab farq qilishi mumkin.
Stipendiya va imtiyozlar:
Bakalavr bosqichi:
A kategoriyasi g‘oliblari birinchi yil uchun 10,000 RMB miqdorida stipendiya oladi.
B kategoriyasi g‘oliblari esa har yili 10,000 RMB oladi.
Magistratura bosqichi:
A kategoriyasi g‘oliblari yillik 25,000 RMB stipendiya bilan taʼminlanadi.
B kategoriyasi g‘oliblari yillik 10,000 RMB oladi.
Doktorantura bosqichi:
A kategoriyasi g‘oliblari o‘quv kontrakti va turar joy xarajatlari qoplanib, qo‘shimcha 5,000 RMB stipendiya oladi.
B kategoriyasi g‘oliblari esa kontrakt va turar joy xarajatlaridan ozod etiladi.
Talabalarga birinchi o‘quv yilida yashash xarajatlari uchun 5,000 RMB miqdorida bir martalik pul ham beriladi.
Ariza topshirish jarayoni:
Jiangsu Universitetining rasmiy onlayn ariza tizimida ro‘yxatdan o‘ting;
Dastur talablari va qoidalari bilan batafsil tanishing;
Ariza topshirish uchun belgilangan badal to‘lovini amalga oshiring;
Quyidagi hujjatlarni taqdim eting:
Pasport nusxasi;
Oldingi taʼlim muassasasining diplom va transkripti;
Motivatsion xat;
Tibbiy maʼlumotnoma;
Moliyaviy ahvolni tasdiqlovchi hujjat;
So‘nggi 6 oy ichida jinoyat sodir etmaganlik haqida maʼlumotnoma;
Ushbu grant dasturi haqida batafsil maʼlumotni Jiangsu Universitetining rasmiy saytidan olishingiz mumkin.
