2024-yilning avgust dekabr oylarida malaka sinovlarida qatnashgan pedagoglarning oylik maoshlari 16-dekabrdan boshlab yangi toifalari boʻyicha hisoblanadi. Bu haqida Maktabgacha va maktab taʼlimi vazirligi maʼlum qildi.
Vazirlikning 16-dekabrda eʼlon qilgan buyrugʻiga koʻra, maktabgacha, umumiy oʻrta va maktabdan tashqari taʼlim tashkilotlarida faoliyat olib boruvchi pedagoglar orasida yangi malaka toifalari quyidagicha taqsimlanadi:
– 5 654 nafar pedagog – oliy malaka toifasi,
– 23 987 nafar pedagog – birinchi malaka toifasi,
– 33 545 nafar pedagog – ikkinchi malaka toifasi,
– 6 099 nafar pedagog – mutaxassis lavozimiga loyiq deb topiladi.
Vazirlar Mahkamasining 2021-yil 17-sentabrdagi 572-son qarori bilan tasdiqlangan “Pedagog kadrlarni attestatsiyadan oʻtkazish tartibi toʻgʻrisida”gi Nizomning 48-bandiga muvofiq, pedagog kadrlarning bazaviy tarif stavkalari miqdori ularning malaka toifasi yoki lavozim sertifikati asosida belgilanadi.
Vazirlik axborotida maoshlarning qayta hisoblanishi boʻyicha jarayon 16-dekabrdan kuchga kirganini yana bir bor eslatib oʻtilib, bu oʻzgarish pedagoglar mehnatini munosib ragʻbatlantirishga xizmat qilishini taʼkidlandi.
