2024-yil 12-oktabr kuni o‘tkazilgan matematika, fizika, tarix va geografiya fanlari bo‘yicha milliy sertifikat imtihoni natijalari e’lon qilindi.
Talabgorlar o‘z natijalarini my.gov.uz saytining “Mening arizalarim” bo‘limi orqali bilib olishlari va sertifikatni elektron shaklda yuklab olishlari mumkin.
Test natijalari xalqaro — Rash modeli asosida hisoblangan. Ishtirokchilar to‘plagan ballariga qarab quyidagi darajadagi sertifikatlarga ega bo‘lishadi:
– 70 balldan yuqori — A+ daraja
– 65 – 69,9 ball — A daraja
– 60 – 64,9 ball — B+ daraja
– 55 – 59,9 ball — B daraja
– 50 – 54,9 ball — C+ daraja
– 46 – 49,9 ball — C daraja
Sertifikatga ega bo‘lgan abituriyentlar uchun oliy ta’lim muassasalariga kirish test sinovlarida quyidagi imtiyozlar beriladi:
– A+ va A darajali sertifikatlar — tegishli mutaxassislik fanidan maksimal ball;
– B+, B, C+ va C darajali sertifikatlar — tegishli mutaxassislik fanidan proporsional ball;
– A+, A, B+, B, C+ va C darajali sertifikatlar — tegishli majburiy fandan maksimal ball.
Bundan tashqari, akademik litseylarga kirish test sinovlarida ham sertifikatga ega o‘quvchilarga tegishli fandan maksimal ball beriladi.
