Нидерландиядаги университетда магистратура босқичида ўқиш учун грант дастури

Нидерландиянинг Twente университетининг магистратура босқичида ўқиш учун University Twente Scholarship (UTS) стипендияси эълон қилинади. Twente университетига қабул қилинган талаблар кенг доирадаги юқори сифатли ва халқаро йўналтирилган магистратура бир неча мутахассислик йўналишларида бирида ўқиш имкониятига эга бўладилар.

Талабалар нанотехнология, биотиббиёт технологиялари, ахборот технологиялари, бошқарувни ўрганиш, барқарор энергия ва юқори технологияли тизимлар каби кўплаб соҳаларда жаҳон даражасидаги обрўга эга бўлган Twente университетида муҳандислик, табиий ва соғлиқни сақлаш фанларидан тортиб, хулқ-атвор ва менежментлик билан боғлиқ бўлган соҳаларда мукаммал таълим ва тадқиқотларга эга бўладилар. Муваффақиятли иштирокчилар йилига €3,000 дан €22,000 гача стипендияга эга бўладилар.

Дастур билан ушбу ҳавола орқали батафсил танишиб чиқиш мумкин.

Мақбуллик шартлари

Twente университети стипендиясига эга бўлиш учун номзодлар қуйидаги талабларга жавоб беришлари керак:

Twente университетининг магистратура босқичига қабул қилинганлик бўйича қабул хатини олган бўлиши (магистратура учун ариза топширилгандан кейин натижалар чиқиши 8 ҳафтагача вақт олиши мумкин);
Талабалик идентификация (студент нумбер) рақами бўлиши;
Бакалавриатни Twente университетида тугатмаган бўлиши;
Нидерландияда яшаш учун визани олиш шартларига риоя қилиши;
ИЭЛТС 6.5 (спеакинг 6.0 дан кам бўлмаган ҳолда) ёки TOEFL 90 тил сертификатига эга бўлиш.

Дастурнинг мақбуллик шартлари билан ушбу ҳавола орқали батафсил танишиб чиқиш мумкин.

Фойдали томонлари

Дастурга қабул қилинган талабалар қуйидаги имтиёзларга эга бўладилар:

Йилига €3,000 дан €22,000 гача стипендия (тахминан 50 та талабага тақдим қилинади);
Тwэнте университетида ўқишнинг тахминий яшаш харажатлари ҳақида ушбу ҳавола орқали танишиб чиқиш мумкин (контракт тўловлари бундан мустасно).

Икки йиллик ўқув дастурида талабалар иккинчи йил харажатларини қоплаш учун биринчи йилдагига тенг миқдорда стипендияни олишлари мумкин. Бироқ, қуйидаги талабларга жавоб берган ҳолатдагина талабалар иккинчи йил ҳам стипендияни олишлари давом эттирилади:

Талаблар биринчи йилнинг учинчи чораги охирида ўртача 7 балл (10 баллдан) йиғган бўлишлари;
Биринчи йилнинг учинчи чораги охирида Европа кредитларининг камида 50% бўлиши.

Дастурнинг имтиёзлари билан ушбу ҳавола орқали батафсил танишиб чиқиш мумкин.

Ҳужжат топшириш

Дастурга қуйидаги тартибда ариза топширилади:

University of Twente Scholarship’га ариза топшириш учун аввал Twente университетининг магистратура дастурига ариза топширилади. Магистратура босқичига қабул қилинганлик бўйича қабул хатини олгандан сўнг, талабалик идентификация рақами билан Twente University Scholarship’га ариза топшириш мумкин;
Ушбу ҳавола орқали Twente университетининг магистратура дастурига ариза топшириш ҳамда мавжуд йўналишлар билан батафсил танишиб чиқиш мумкин;
Дастурга ариза ушбу ҳавола орқали топширилади.