Швейцарияда харажатлари қопланадиган 2 ойлик ёзги дастур — ETH Student Summer Research Fellowship

Талабалар учун Швейцарияда харажатлари қопланадиган 2 ойлик ёзги тадқиқот дастури — ETH Student Summer Research Fellowship тақдим этилади.

Дастурдан асосий мақсад бакалавриат ва магистратура талабаларига ўзлари танлаган соҳасида биринчи тадқиқот тажрибасини олиш имкониятини яратишдан иборат.

Қуйидаги соҳаларда тадқиқот олиб бориш имконияти мавжуд:

– Machine Learning;

– Information Security;

– Computer Systems;

– Robotics;

– Programming Languages and Software Engineering;

– Bio/Medical informatics;

– Human-computer interaction;

– Theory;

– Visual Computing.

Дастур 2026 йил 1 июлдан 28 августгача давом этиши режалаштирилган.

Дастур ҳақида батафсил ушбу ҳавола орқали маълумот олиш мумкин.

Мақбуллик шартлари

Компьютер фанлари ёки унга яқин йўналиш (масалан, электротехника, математика, физика) бўйича бакалавр ёки магистратура дастурида ўқиётган талабалар қатнашиши мумкин.

Дастурда тўлиқ қатнашиш керак.

Инглиз тилини яхши билиш лозим. Тил билиш сертификати сўралмаса ҳам инглиз тилини яхши билиш талаб этилади ва у суҳбат давомида баҳоланиши мумкинлигини инобатга олиш керак.

Ҳозирги бакалавриат ёки магистратура дастуридаги кутилаётган битирув санаси дастур тугаган йилдан кейинги йилга ёки ундан кейинга тўғри келиши керак.

Дастур бошлангунча номзод камида икки йиллик ўқишни тамомлаган бўлиши лозим (магистратура талабалари бу шартга табиий равишда мос келади).

Муҳим: Иштирокчи танлаган тадқиқот йўналишлари бўйича курс ёки лойиҳалар орқали маълум билимларга эга бўлиши керак. Бу йўналишни нолдан ўрганиш ғояси билан соҳани танламаслик талаб қилинади.

Фойдали томонлари

Дастур бир қатор қулайликларни тақдим этади:

– турар жой ва яшаш харажатларини қоплаш учун 4,000 CHF (~5,000$) миқдорида стипендия берилади;

– саёҳат ва виза харажатлари қопланади;

– турар жой билан таъминланади;

– Швейцариянинг гўзал тоғли манзараларини ўрганиш имконияти.

Эслатма: Талабалар дастур бошида саёҳат харажатларини сарфлаган харажатлари кўрсатилган чеклар бўйича қайтариб олишлари мумкин.

Ҳужжат топшириш

Дастурда қатнашишни истаганлар ушбу ҳавола орқали ариза топширишлари мумкин.

Ҳужжат топширишда қуйидагилар сўралади:

– шахсий маълумотлар;

– резюме (инглиз тилида). Ташқи саҳифага Europass форматидан фойдаланиш керак;

– университетдан расмий академик транскрипт (инглиз, немис, француз ёки итальян тилларидан бирида бўлиши мумкин);

– номзоднинг GPA даражаси. Университет тақдим этган баҳолаш тизимидан фойдаланиш лозим. Агар магистратура босқичининг биринчи семестридаги GPA бали ҳужжат топшириш пайтида ҳали мавжуд бўлмаса, бакалавр даражасининг якуний GPA балини кўрсатиш мумкин;

– инглиз тилидаги мотивацион хат/шахсий баёнот (максимал 1 саҳифа).

Ариза топширишда қуйидагиларга эътибор бериш керак:

Аризалар тақдим этилган ҳужжатлар асосида баҳоланади. Шунинг учун барча ҳужжатлар ва маълумотлар ҳаққонийлиги ва тўғрилигини текшириш лозим.

Пароль билан ҳимояланган ПДФ файлларни юклаш мумкин эмас.

Ҳужжатларни ПДФ форматда тақдим этиш керак.

Фақат барча керакли ҳужжатлар билан тўлдирилган аризалар кўриб чиқилади.

Номзод ўзининг исмини бош ҳарфда ёзмаслиги керак.

Фақат SiROP орқали тақдим этилган ҳужжатлар кўриб чиқилади.

Ариза топшириш қуйидаги босқичлардан иборат:

SiROP орқали рўйхатдан ўтиш керак (янги ойна очиш учун CTRL+ тугмаси босилади). Рўйхатдан ўтиш учун тақдим этилган рўйхатда номзод ўзининг университетини қидириши ёки электрон почта манзили ёрдамида ҳисоб яратиши керак. Рўйхатдан ўтгандан сўнг SiROP номзодга ўз муассасаси билан ҳамкорлик қилишни таклиф қилади. Иштирокчи ариза топшириши учун бундай ҳамкорликни яратиш шарт эмас.

SiROP орқали рўйхатдан ўтишни тугатгандан сўнг ушбу ҳавола орқали ҳам рўйхатдан ўтиш сўралади.

SiROP нинг юқори қисмидаги «Ҳозир ариза топшириш» тугмасини босилади.

Расмий ҳавола

Ҳужжат топшириш