Германияда магистратура босқичини харажатлари қопланган ҳолда ўқиш имконияти — DAAD EPOS Scholarship

Германияда қишлоқ хўжалиги иқтисодиёти йўналишида магистратура босқичида тўлиқ молиялаштирилган ҳолда ўқиш имконини берувчи DAAD EPOS Scholarship дастури учун аризалар қабул қилинмоқда.

Мазкур стипендия дастури ривожланаётган давлатларда яшовчи, мустаҳкам академик базага ва профессионал тажрибага эга бўлган мутахассисларни қўллаб-қувватлашга қаратилган. Номзодлар одатда технология, иқтисодиёт ёки ижтимоий соҳалар билан боғлиқ ривожланиш лойиҳаларида, давлат ёки хусусий секторда амалий иш тажрибасига эга бўлади.

Ариза топшириш муддати: 2025 йил 15 декабригача.

Дастур ҳақида батафсил маълумот ҳавола орқали тақдим этилган.

Кимлар ариза топшириши мумкин?

Номзодлар бир вақтнинг ўзида DААD EPOS талаблари ҳамда AgEcon (Agricultural Economics) магистратура дастури талаблари бўйича мос бўлиши шарт.

DAAD EPOS дастури талаблари:

• Номзод ривожланаётган давлат фуқароси бўлиши керак (Ўзбекистон рўйхатда бор);
• Бакалаврни тугатгандан сўнг камида 2 йиллик иш тажрибаси бўлиши лозим;
• Муҳим: университетда ўқитувчилик ёки илмий-тадқиқот фаолияти иш тажрибаси сифатида қабул қилинмайди (фақат истисно ҳолларда);
• Диплом олинганига 6 йилдан ошмаган бўлиши керак;
• Ривожланиш билан боғлиқ аниқ мотивация ва мақсадлар бўлиши керак;
• Ариза топшириш пайтига қадар Германияда 15 ойдан ортиқ яшамаган бўлиши шарт.

AgEcon магистратура талаблари:

• Тегишли йўналишда юқори кўрсаткичли бакалавр дипломи;
• Расмий инглиз тили сертификати:
  • IELTS Аcаdemic – камида 6.5,
  • ТОEFL iBT – камида 90.
    Университетдан олинган тил ҳақидаги маълумотнома қабул қилинмайди — ҳатто инглиз тилида таълим олган бўлсангиз ҳам!

Эслатма: Университетдан олинган тил даражаси тўғрисидаги маълумотнома етарли ҳисобланмайди. Ҳатто номзод бутун университет даври давомида (масалан, Нигерия, Гана, Кения, Эфиопия, Ҳиндистон ва бошқалар) инглиз тилида ўқиган бўлса ҳам, расмий инглиз тили тестининг натижасини тақдим этиши шарт!

• Бакалавриат босқичида статистика ва иқтисодиёт фанлари бўйича ўқув курслари ўтилганлигини тасдиқловчи ҳужжат;
• AgEcon PreTest орқали ўзини ўзи баҳолашни тасдиқловчи ҳужжат.

Қабул қилишнинг батафсил қоидаларини қуйидаги ҳаволалар орқали юклаб олиш мумкин: расмий (немис тилида) (PDF); маълумот учун (инглиз тилида) (PDF).

Дастурнинг афзалликлари

DAAD EPOS стипендияси қуйидаги имкониятларни тақдим этади:

• Ўқиш тўловидан тўлиқ озод этилади;
• Тиббий суғурта ва ойлик стипендия билан таъминланади;
• Германияга бориш ва қўшимча илмий харажатлар қопланади;
• Дастур бошланишидан олдин — 2026 йил август–сентябрь ойларида — интенсив немис тили курси ўтказилади.

Ҳужжат топшириш тартиби

DAAD EPOS дастурига ариза топшириш икки босқичда амалга оширилади:

1. DААD ариза шакллари ва барча ҳужжатларни agecon@uni-hohenheim.de почта манзилига юбориш;
2. Hohenheim университетининг HohCampus онлайн платформаси орқали «AgEcon» дастурига алоҳида ариза топшириш.

Талаб қилинадиган ҳужжатлар:

• DААD ариза ҳужжатларининг барчаси учун талаб қилинадиган ҳужжатлар рўйхати (PDF) — қўлда (ручка билан) имзоланган ва санаси қўйилган бўлиши керак. Бу ҳужжатни чоп этиб, қўлда имзолаб, қайта сканер қилиш кераклигини билдиради;
• DААD ариза шакли (DОCХ) — имзоланган ва санаси қўйилган бўлиши лозим;
• Янгиланган CV (Europass) — тескари хронологик тартибда, берилган санаси кўрсатилган ва ҳеч қандай бўшлиқ (гап) бўлмаган ҳолатда тақдим этилади;
• Мотивацион хат (максимал 2 саҳифа) — берилган санаси кўрсатилган бўлиши лозим. Унда ҳозирги иш фаолияти, мақсадлари ва танланган дастур(лар)ини, танлаш сабабларини кўрсатиш керак.

Муҳим: Агар бир нечта EPOS дастурига ариза топширилса (максимал 3), ҳар бир университетга бир хил мотивацион хат топширилиши керак. Қўшимча равишда нима учун ушбу дастурларни танлагани ва нима учун афзал кўрганини кўрсатиб ўтиши сўралади.

Жорий иш берувчидан тавсиянома — расмий бланкада ёзилган, лавозим ҳақида маълумот ва тавсия бераётган шахснинг алоқа маълумотлари келтирилган, имзоланган ва санаси қўйилган бўлиши керак.

Эслатма: Идеал ҳолатда, ушбу тавсияномада дастур тугагач, ватанга қайтгандан сўнг номзодни қайта ишга қабул қилиш кафолати ҳам бўлиши мақсадга мувофиқ. Ушбу ҳужжатни иш берувчидан номзоднинг шахсан ўзи олиши ва аризага қўшиши керак. Уни алоҳида юборишларига йўл қўймаслик лозим.

• Иш берувчи(лар)дан олинган, ҳозирда иш билан банд эканлигини ва камида икки йиллик тегишли иш тажрибаси талабига мос эканлигини (бакалавр даражасини тугатгандан бошлаб ариза топширишнинг охирги муддатигача) тасдиқловчи иш жойидан олинган маълумотнома(лар);
• Инглиз тилини билиш даражасини тасдиқловчи ҳужжат. Инглиз тили тестлари натижалари 15 декабрдан кейин эмаил орқали agecon@uni-hohenheim.de манзилига юборилиши мумкин, лекин январь ўртасидан кечиктирилмаслиги керак;
• Диплом ва академик транскриптларнинг асл нусхаси, инглиз ёки немис тилларига тасдиқланган таржималари билан (агар бошқа тилда берилган бўлса). Академик транскриптларда ҳар бир курс бўйича олинган кредитлар билан бирга баҳолар шкаласи кўрсатилиши керак, акс ҳолда қўшимча ҳужжат илова қилинади;
• Университетга кириш учун малака сертификати (UEQ) (ўрта мактабни тугатганлик гувоҳномаси) — асл нусхалар, агар бошқа тилда берилган бўлса, инглиз ёки немис тилига тасдиқланган таржималари билан.
  Бу сертификат/диплом номзодга университет даражасида таълим олиш имконини берган ҳужжатдир. Масалан: мактабни тамомлаганлик тўғрисидаги сертификат, университетга кириш имтиҳони, ўрта мактаб дипломи, А-level сертификати ва ҳоказо.
• Рейтинг хати (Ranking Letter) — агар олдинги даражанинг якуний баҳоси ўртачадан юқори эканлигини қўшимча исботлаш керак бўлса.
  Агар GPА даражаси ўртачадан паст бўлса (немис тизимида 2,5), иштирокчи университетдан синфнинг юқори ярмида эканлигини тасдиқловчи рейтинг хатини олиши керак.