АҚШнинг Ўзбекистондаги элчихонасининг Property Management (Мулкни бошқариш) бўлимида бакалавриат босқичининг 1-3 курсларида ўқиётган талабалар учун Foreign National Student Internship Program амалиёт дастури тақдим этилади. Дастур 6 ой давом этади ва иштирокчилар ярим кунлик; ҳафтасига 20 соат амалиёт ўташлари режалаштирилган (Душанбадан жумагача).
Фойдали томонлари:
- дастурда бепул қатнашиш мумкин;
- халқаро ташкилотда ноёб иш тажрибасига эга бўлиш имконияти;
- амалиёт якунида сертификат берилади;
- инглиз тили ва компьютер билимларини ошириш, HR билан боғлиқ турли тадбирларда фаол иштирок этиш орқали тадбирларни режалаштириш/лойиҳа ва вақтни самарали бошқариш қобилиятларини ривожлантириш мумкин.
Эслатма: Номзодлар ўз вазифаларини бепул хизмат кўрсатиш шартномаси асосида бажаради.
Амалиётчининг асосий вазифалари:
- элчихона мулкининг, жумладан, мебель, ускуналар, транспорт воситалари ва бошқа активларнинг аниқ ёзувларини юритишга кўмаклашиш;
- белгиланган тартибларга мувофиқ активлар ҳаракати, ўтказилиши ва йўқ қилинишини кузатиш ва мониторинг қилишни қўллаб-қувватлаш.
- мунтазам инвентаризация текширувларини ўтказиш, номувофиқликларни бартараф этиш ва элчихона фаолияти учун етарли даражада инвентаризация даражасини таъминлашга кўмаклашиш.
- элчихона тадбирлари, учрашувлари ва расмий тадбирларини, жумладан, транспортни мувофиқлаштириш ва ускуналарни созлашни логистика билан таъминлаш.
- мулкни бошқариш, омбор фаолияти ва инвентаризация ёзувлари билан боғлиқ тартибли ва долзарб ҳужжатларни юритиш;
- офисга хос электрон жадвалларга маълумотларни киритиш;
- зарур бўлганда архивлаш, майдалаш, сканерлаш ва нусхалаш;
- ҳужжатларни архивлашда ёрдам бериш.
Дастур ҳақида батафсил ушбу ҳавола орқали маълумот олиш мумкин.
Ҳужжат топшириш
Дастурда қатнашишни истаганлар ариза шаклини тўлдириб керакли ҳужжатлар билан TashkentRecruitment@state.gov электрон почта манзилига юборишлари керак.
Талаб қилинадиган ҳужжатлар:
- ариза шакли;
- паспорт нусхаси;
- номзоднинг олий таълим муассасада ўқиётганлигини тасдиқловчи хат;
- ҳозирги ўқиш жойидан академик транскриптлар;
- тавсиянома ва сертификатлар (ихтиёрий).
Эслатма: Электрон почта манзилининг мавзусига FNSIP 2025/02 – «Property Management unit Internship Program» деб ёзилиши лозим. Фақат сараланган номзодлар билан алоқага чиқилади. Сараланганлар ўқиётган таълим муассасасидан ёзма рухсатнома ва бошқа зарур ҳужжатларни тақдим этиши ҳамда мажбурий тиббий ва хавфсизлик кўригидан ўтишлари шарт.
Дастурга ҳужжат топшириш учун охирги муддат: 4 декабрь, 2025 йил
Мақбуллик шартлари:
- дастурда Америкалик бўлмаган ва ҳозирда Ўзбекистонда истиқомат қилувчи 18 ёшга тўлган фуқаролар қатнашиши мумкин;
- номзод умумий ўрта таълимни тамомлаган бўлиши шарт;
- иштирокчи ҳозирда Ўзбекистондаги олий таълим муассасасида бакалавр босқичининг 1-3 курсларида ўқиётган бўлиши лозим (логистика, мулк бошқаруви каби соҳа талабаларига афзаллик берилади);
- инглиз тилини билиш қатъий талаб; рус ва/ёки ўзбек тилларини яхши билиш керак;
- юқори академик кўрсаткичларга эга бўлиш ҳамда компьютер/интернетдан фойдаланиш ва мижозларга хизмат кўрсатиш кўникмаларига эга бўлиш лозим;
- талабгор дастур тугагандан сўнг ўқишни давом эттириши шарт.
Муҳим: Талабалар университетнинг бакалавриат босқичида сиртқи таълимда ўқимаётган бўлиши керак.
