Нидерландиянинг Тwentе университети магистратура босқичида ўқиш учун University Тwentе Scholarship (UTS) дастурини эълон қилди. Тwentе университетига қабул қилинган талабалар бир қатор халқаро йўналтирилган магистратура йўналишларида ўқиш имконига эга бўладилар.
Талабалар қуйидаги соҳаларда таълим олишлари мумкин:
- Нанотехнология
- Биотиббиёт технологиялари
- Ахборот технологиялари
- Бошқарувни ўрганиш
- Барқарор энергия
- Юқори технологияли тизимлар
Шунингдек, Тwentе университети муҳандислик, табиий фанлар, соғлиқни сақлаш, хулқ-атвор ва менеджмент соҳаларида ҳам мукаммал таълим ва тадқиқот имкониятларига эга. Муваффақиятли талабалар йилига €3,000 дан €22,000 гача стипендия олишлари мумкин.
Дастур билан ушбу ҳавола орқали батафсил танишиб чиқиш мумкин.
Мақбуллик шартлари
Тwentе университети стипендиясига эга бўлиш учун номзодлар қуйидаги талабларни бажариши керак:
- Тwentе университетининг магистратура босқичига қабул қилинганлик бўйича қабул хатини олган бўлиши (магистратура учун ариза топширилгандан кейин натижалар чиқиши 8 ҳафтагача вақт олиши мумкин);
- Талабалик идентификация рақами (student number) мавжуд бўлиши.
- Бакалавриатни Тwentе университетида тугатмаган бўлиши.
- Нидерландияда яшаш учун визага эга бўлиш шартларига риоя қилиши.
- IELTS 6.5 (speaking 6.0 дан кам бўлмаган) ёки ТОEFL 90 сертификатига эга бўлиши.
Дастурнинг мақбуллик шартлари билан ушбу ҳавола орқали батафсил танишиб чиқиш мумкин.
Фойдали томонлари
Стипендияга қабул қилинган талабалар қуйидаги имтиёзларга эга бўладилар:
Йилига €3,000–€22,000 стипендия (тахминан 50 талабага тақдим қилинади).
Тwentе университетида ўқишнинг тахминий яшаш харажатлари ҳақида ушбу ҳаволаорқали танишиб чиқиш мумкин (контракт тўловлари бундан мустасно).
Икки йиллик ўқув дастурида талабалар иккинчи йил харажатларини қоплаш учун биринчи йилдагига тенг миқдорда стипендияни олишлари мумкин. Бироқ, қуйидаги талабларга жавоб берган ҳолатдагина талабалар иккинчи йил ҳам стипендияни олишлари давом эттирилади:
– биринчи йилнинг учинчи чораги охирида ўртача 7 баллдан кам бўлмаган натижа;
– биринчи йил охирида Европа кредитларининг камида 50% бажарилган бўлиши.
Дастурнинг имтиёзлари билан ушбу ҳавола орқали батафсил танишиб чиқиш мумкин.
Ҳужжат топшириш тартиби
- University of Тwentе Scholarship га ариза топшириш учун аввал Тwэнте университетининг магистратура дастурига ариза топширилади. Магистратура босқичига қабул қилинганлик бўйича қабул хатини олгандан сўнг, талабалик идентификация рақами билан Тwentе University Scholarship га ариза топшириш мумкин;
- Ушбу ҳавола орқали Тwentе университетининг магистратура дастурига ариза топшириш ҳамда мавжуд йўналишлар билан батафсил танишиб чиқиш мумкин;
- Дастурга ариза ушбу ҳавола орқали топширилади.
Дастурга ҳар йили икки марта қабул ўтказилади:
- 1-роунд: 15 октябрь — 1 февраль
- 2-роунд: 1 февраль — 1 май
