Қоҳира университетида ўзбек тилини ўрганаётган талабалар сўровига бинoан, дипломат ташаббуси билан инглиз тилида «Uzbek Language. Complete Self-Study Guide in 22 Lessons» номли илмий-амалий қўлланма ишлаб чиқилди ва элчихона томонидан нашр этилди.
Дарсликни Ўзбекистоннинг Мисрдаги элчихонаси ходими Отабек Алимов тайёрлаган.
Маълумотларга кўра, қўлланма «Amazon» платформаcида электрон ва рангли босма шаклларда, шунингдек, «Google Books» ва «Google Play» иловалари орқали ҳам тақдим этилган.
Қўлланманинг рус тилидаги версияси – «Узбекский язык: Полный курс за 22 урока» – «Litres» ва «OZON» каби йирик онлайн китоб дўконларида сотувга чиқарилган.
Ҳозирда китобни араб ва бошқа тилларга таржима қилиш режалаштирилмоқда.
Хабарда таъкидланишича, «Мазкур лойиҳа ўзбек тилининг халқаро нуфузини ошириш ва унинг ўқитилиши географиясини кенгайтиришга хизмат қилмоқда».
