Ўқитувчилар олимпиадасининг Республика босқичи натижалари маълум бўлди

24–25 сентябрь кунлари Тошкент вилояти, Бўстонлиқ туманида жойлашган «Ренессанс» болалар оромгоҳида Биология, Математика ҳамда Информатика ва ахборот технологиялари фанларидан Ўқитувчилар олимпиадасининг Республика босқичи бўлиб ўтди.

Мусобақанинг биринчи турида биологиядан – лаборатория иши, математикадан – ёзма иш, информатика ва ахборот технологияларидан эса – дастурлаш топшириқлари бўйича беллашувлар ташкил этилди.

Иккинчи тур 25 сентябрь куни ўтказилиб, биологиядан – ёзма иш, математикадан – махсус топшириқ, информатика ва АТ фанидан эса – дастурлаш топшириқлари бажарилди.

Икки кунлик баҳслардан сўнг ғолиблар аниқланди.

Биология фанидан:

1-ўрин – Миржалол Ахмедов (Бухоро шаҳар, 35-мактаб);

2-ўрин – Илҳомбек Турғинбоев (Фарғона шаҳар, ИМА 1-сон ИМ);

3-ўрин – Икромова Моҳинабону (Бухоро шаҳар, 35-мактаб).

Математика фанидан:

1-ўрин – Абдушукур Ахадов (Сирдарё вилояти, Гулистон шаҳар, ИМА ИМ);

2-ўрин – Элбек Тошпулатов (Тошкент вилояти, Ангрен шаҳар, ИМА ИМ);

3-ўрин – Аббос Муҳаммедов (Бухоро шаҳар, ИМА ПМ).

Информатика ва АТ фанидан:

1-ўрин – Саиджалол Ҳасанов (Наманган шаҳар, ИМА ПМ);

2-ўрин – Даврон Авлакулов (Тошкент шаҳар, Яшнобод тумани, ИТМА ал-Хоразмий мактаби);

3-ўрин – Мансуржон Камолов (Навоий вилояти, Қизилтепа тумани, 9-мактаб).