2025 йил 1–4 ноябрь кунлари Франциянинг Париж шаҳрида Young Leaders Union Paris 2025 халқаро конференцияси бўлиб ўтади.
Дастур дунёнинг турли давлатларидан фаол ва ташаббускор ёшларни бирлаштириб, уларни етакчилик, тадбиркорлик, жамоат бошқаруви, таълим, соғлиқни сақлаш, туризм, БМТнинг барқарор ривожланиш мақсадлари (СДГ) каби глобал йўналишларда фикр алмашиш ва тажриба орттиришга чорлайди.
Кимлар қатнашиши мумкин?
Конференцияда қуйидаги тоифадаги иштирокчилар қатнашиши мумкин:
Мактаб ўқувчилари (қуйи ва юқори синфлар),
Коллеж ва мактаб битирувчилари,
Бакалавр ва магистратура талабаси ёки битирувчилари,
ПҳД изланувчилари ва докторантлар,
Ижтимоий фаоллар, волонтёрлар, тадбиркорлар, сиёсатчилар, мураббийлар, ҳуқуқшунослар, соғлиқни сақлаш соҳаси мутахассислари ва бошқа ёш етакчилар.
Дастур тили: инглиз тили
Ёш чегараси: мавжуд эмас — барча ёшдагилар иштирок эта олади.
Номзодларга қўйиладиган талаблар:
- Номзод етакчилик қобилиятига эга бўлиши лозим;
- Ҳар бир иштирокчи БМТ барқарор ривожланиш мақсадларига ҳисса қўшувчи лойиҳа ёки ташаббус билан қатнашиши тавсия этилади.
Дастур имкониятлари:
Тўлиқ грант:
– Авиабилетлар, виза, турар жой, озиқ-овқат ва яшаш харажатлари тўлиқ қопланади;
– Сертификат ва мукофотлар топширилади;
– Конференция учун материаллар, шаҳар бўйлаб экскурсиялар ва кечки маросимда иштирок;
– Илҳомлантирувчи нутқларни тинглаш, халқаро журнал ва Европа нашрларида шахсий ҳикояни эълон қилиш имконияти;
– Буюк Британияда ишлаш имконияти ҳам берилиши мумкин.
Қисман грант:
– Овқатланиш, материаллар, виза ёрдами, сертификат ва мукофотлар;
– Шаҳар бўйлаб саёҳат, конференция маросимлари, журналда эълон қилиш имконияти.
Молиявий ёрдам:
Саёҳат ёки Парижда яшаш харажатларининг бир қисми учун қўшимча қўллаб-қувватлаш кўрсатилади.
Эслатма: дастурда ўз ҳисобидан қатнашувчилар учун конференция тўлови — 449 евро. Бундай иштирокчилар ҳам тўлиқ грант эгалари билан тенг ҳуқуқ ва имкониятларга эга бўлади.
Ҳужжат топшириш тартиби:
Расмий саҳифа орқали рўйхатдан ўтинг;
Шахсий маълумотларингизни, электрон почта манзилингизни, расм ва паспорт нусхангизни (jpg, jpeg, png ёки pdf форматда) юкланг;
Дастурда қатнашишдан кўзланган мақсад ва таклиф қилинаётган лойиҳангиз ҳақида маълумот беринг;
Дастурнинг шартлари ва талабларини диққат билан ўқинг.
Ариза топшириш бадали: £18.75
Сўнгги рўйхатдан ўтиш муддати: 2025 йил 10 август
Қўшимча маълумот учун:
Email: hello@edutourismforunity.org
office.edutourismforunity@gmail.com
ЭдуТоурисм фор Унитй жамоси ҳақида батафсил маълумотни ушбу ҳавола орқали олишингиз мумкин.
