Toshkent shahar Mirzo Ulug‘bek tumanida Ichki ishlar vazirligi va uning hududiy bo‘linmalari, shuningdek, Davlat xavfsizlik xizmati xodimlari tomonidan o‘tkazilgan tezkor tadbirda 2007-yilda tug‘ilgan qiz va 2003-yilda tug‘ilgan talaba yigit tomonidan ijarada yashaydigan xonadonda narkolaboratoriya tashkil etilganligi ma’lum bo‘ldi.
Ma’lum bo‘lishicha, ushbu shaxslar 2025-yil sentyabrdan buyon Telegramdagi narkodo‘konda kuratorlarning topshiriqlariga asosan prekursorlarni tashkil qilish va sintetik giyohvandlik vositalarini tayyorlash bilan shug‘ullanib kelgan.
Mazkur manzildan 1 kg mifidron sintetik giyohvandlik vositalari hamda narkolaboratoriyada foydalanish uchun zarur bo‘lgan asbob-uskunalar daliliy ashyolar tariqasida hujjatlashtirib olingan.
Tezkor tergovlarda qo‘lga olingan kimyogar talaba yigitning mobil telefoniga kelgan geolokatsiya bo‘yicha yo‘nalish tashkil etilib, Yangihayot tumanidagi dala maydonida zakladka usulida ko‘mib ketilgan 1 kg sintetik giyohvandlik vositalari aniqlangan.
Toshkent shahri hududida davom ettirilgan tezkor qidiruv tadbirlar natijasida ushbu vositalarning geolokatsiyalariga zakladka usulida tarqatib kelgan 9 nafar zakladchiklar givohvandlik vositalarini olgan vaqtida ushlangan. Ulardan 3 nafari Toshkentdagi nufuzli OTM talabalari bo‘lgan.
Mazkur holat yuzasidan ushbu jinoiy guruh a’zolariga nisbatan Jinoyat kodeksining 273-moddasi 3-qismi b-bandi bilan jinoyat ishi qo‘zg‘atilgan.
