Prezident qaroriga ko‘ra, texnikumlar shaklan ham, mazmunan ham yangilanadi. 2026-yil davomida kasbiy ta’limda quyidagi muhim o‘zgarishlar rejalashtirilgan:
Texnikumlar infratuzilmasi
Jami 102 ta texnikum yangilanadi:
– 26 tasi rekonstruksiya qilinadi;
– 76 tasi mukammal ta’mirlanadi.
7 ta ilg‘or kasbiy mahorat texnikumida qurilish, ta’mirlash va obodonlashtirish ishlari olib boriladi.
Ta’lim mazmuni
– 60 ta kasbiy ta’lim dasturi xalqaro standartlar asosida yangilanadi;
– 80 ta texnikumda xalqaro va qo‘shma ta’lim dasturlari joriy etiladi;
– Ushbu dasturlar orqali 8 000 nafar kadr tayyorlanadi.
Pedagoglar va rahbarlar
- Malaka toifasi yoki sertifikatga ega pedagoglar ulushi 38,5 foizga yetadi;
- 9 200 nafar pedagog, 690 nafar rahbar xodim malaka oshiradi;
- 300 nafar pedagog xorijda malaka oshiradi;
- Eng yaxshi natija ko‘rsatgan 150 nafar pedagog xorijga yuboriladi.
Xalqaro tajriba
- Kasbiy ta’lim muassasalariga 100 nafar xorijiy “til egalari” jalb etiladi;
- Kredit-modul tizimi joriy etilgan muassasalar ulushi 40 foizga yetadi.
Dual ta’lim
- Dual ta’lim ulushi 20 foizga yetkaziladi;
- 20 nafar mutaxassis dual ta’lim rivojlangan davlatlarga stajirovkaga yuboriladi;
- Dual ta’limda o‘qiyotgan o‘quvchilar uchun stipendiya to‘lash platformasi ishga tushiriladi.
Qamrov
- 9-sinf bitiruvchilarini kasbiy ta’lim bilan qamrab olish 34 foizga yetadi.
Xulosa qilib aytganda, 2026-yil kasbiy ta’lim uchun sifat, xalqaro tajriba va amaliyotga yo‘naltirilgan yil bo‘lishi kutilmoqda.
