Mehnat kodeksining 187-moddasiga koʻra, bayram kunlari arafasida har kunlik ishning (smenaning) davomiyligi barcha xodimlar uchun kamida 1 soatga qisqartiriladi.
Lekin, ertaga 31-dekabr – bayram kuni emas, balki bayram munosabati bilan belgilangan qoʻshimcha dam olish kuni. Shu sababli, bugun barcha xodimlar odatdagi grafik boʻyicha ishlaydi.
Xabaringiz bor, Prezident farmoniga ko’ra, Yangi yilda ketma-ket 5 kun dam olish kuni bo’ladi.
2025-yilda barcha xodimlar uchun (ish haftasining turidan qat’i nazar) 31-dekabr – chorshanba;
2026-yilda:
– barcha xodimlar uchun (ish haftasining turidan qat’i nazar): 2-yanvar – juma;
– olti kunlik ish haftasida ishlaydigan xodimlar uchun: 3-yanvar – shanba.
Demak, quyidagi kunlarda rasman dam olish bo’ladi:
31-dekabr (chorshanba);
1-yanvar (payshanba);
2-yanvar (juma);
3-yanvar (shanba);
4-yanvar (yakshanba).
