Ta’lim eksperti Zafarshoh Amirqulovning yozishicha, HEMIS tizimining test imtihonlarini topshirish funksionaliga tinglovchini yuz tasviri (FaceID) asosida identifikatsiya qilish imkoniyati qo‘shilgan.
Mazkur funksiyadan foydalanish ixtiyoriy bo‘lib, u test sozlamalaridagi FaceID parametri orqali boshqariladi.
Jarayon quyidagicha:
– funksiyani ishga tushirish uchun imtihon sozlamalarida FaceID parametrini faollashtirish zarur;
– shunda talaba kabinetida testni boshlash tugmasi bosilganda, yuz orqali identifikatsiya sahifasi ochiladi;
– talaba yuz tekshiruvdan muvaffaqiyatli o‘tgach, unga test imtihoni ochiladi.
Muhim! Talabaning yuzi uning anketasiga yuklangan rasm asosida tekshiriladi.
Agar imtihon sozlamalarida FaceID parametri o‘chirilgan bo‘lsa, test topshirish odatdagidek amalga oshiriladi.
