Dunyoda ta’lim beruvchi dargohlar ko‘p. Quyida eng yaxshi 5 ta universitetlar va ularning mashhur bitiruvchilari bilan tanishasiz.
5-o‘rin Kembrij universiteti (University of Cambridge) — Buyuk Britaniyaning eng mashhur va qadimiy universitetlaridan biri. 1209-yilda tashkil etilgan va oxirgi o‘nlab asrlar davomida bilim va tadqiqot markazi bo‘lib kelgan.
Kembrijning eng mashhur bitiruvchilari:
Isaak Nyuton (Fizika otasi),
Charles Darvin (Evolyutsiya nazariyasining asoschisi),
Steven Hovking (Teoretik fizik qora tuynuklar va koinotning kelib chiqishi bo‘yicha ishlari bilan tanilgan),
Jeyms Votson (DNK strukturasini ochgan).
4-o‘rin Harvard universiteti — AQShning Boston shahrida joylashgan eng qadimiy va obro‘li universitetlardan biridir. 1636-yilda tashkil etilgan, Harvard dunyodagi eng yaxshi ta’lim muassasalaridan biri va u Amerikada faoliyat boshlagan birinchi universitetdir.
Harvardning mashhur bitiruvchilari:
Burak Obama (AQShning 44-prezidenti),
Mark Zukerberg (Facebook asoschisi va eng yosh milliarder ),
Jon Kenedi (AQShning 35-prezidenti).
3-o‘rin Massachusets Texnologiya Instituti (MIT) AQShning Boston yaqinidagi Cambridge shahrida joylashgan va dunyodagi eng nufuzli texnologiya va muhandislik maktablaridan biri hisoblanadi. MIT 1861-yilda tashkil etilgan va ilm-fan, texnologiya, muhandislik, iqtisodiyot va boshqa sohalarda yuqori darajadagi tadqiqot va ta’lim bilan tanilgan.
MITning eng mashhur bitiruvchilari:
Ilon Mask (Tesla va SpaceX asoschisi),
Kofi Annan (BMTning 7- bosh kotibi),
Richerd Feynmen (Nobel mukofoti laureati).
2-o‘rin Stenford universiteti AQShning Kaliforniya shtatining Stanford shahrida joylashgan va dunyodagi eng nufuzli ta’lim va tadqiqot muassasalaridan biridir. 1885-yilda tashkil etilgan Stenford universiteti, ilm-fan, muhandislik, biznes, huquq va boshqa sohalarda yetakchi hisoblanadi. Universitet innovatsion tadqiqotlar, startup madaniyati va tadqiqot hamkorliklari bilan mashhur.
Stenford universitetining eng mashhur bitiruvchilari:
Larri Peyn va Sergey Brin (Google kompaniyasining asoschilari),
Reyd Hastings (Netflix asoschisi),
Piter Til (PayPal asoschisi).
1-o‘rin Oksford universiteti – Angliyadagi eng qadimgi va nufuzli universitetlardan biri. 1096-yilda tashkil topgan bu universitet, o‘zining sifatli ta’limi va tadqiqotlari bilan butun dunyoda mashhurdir. Oksford universiteti ko‘plab fakultetlar va tadqiqot markazlariga ega bo‘lib, ilm-fan, huquq, iqtisodiyot, siyosat va san’at sohalarida yetakchi hisoblanadi.
Oksfordning eng mashhur bitiruvchilari:
J.R.R. Tolkin (“Hobbit” va “Uzuklar hukmdori” romanlari muallifi, maqola muallifining sevimli yozuvchisi),
Steven Hovking (“A Brief History of Time” kitobi bilan tanilgan),
Oskar Vayld (Mashhur yozuvchi va dramaturg).
P.S.: Ushbu reyting Time Higher Education xalqaro reyting agentligi ma’lumotlari asosida tayyorlangan.
