Yangi o‘quv yilidan boshlab davlat granti talabalar uchun ta’lim granti va ijtimoiy-rag‘batlantiruvchi grant shaklida ajratiladi.
Bunda:
– ta’lim granti — talabalarga bir o‘quv yili uchun ajratiladi hamda 1-kursda kirish imtihonlarida yuqori ball to‘plagan talabalarga, ikkinchi va undan keyingi kurslarda yuqori akademik reyting ko‘rsatkichlariga erishgan va ijtimoiy faol talabalar orasida tabaqalashtirilgan tartibda qayta taqsimlanadi va stipendiya faqat to‘liq ta’lim grantini yutgan talabalarga to‘lanadi;
– ijtimoiy-rag‘batlantiruvchi grant — maqsadli qabul va imtiyoz asosida qabul qilingan talabalarga butun o‘qish davri uchun beriladi.
Ma’lumot o‘rnida, davlat granti asosida tahsil olgan talabalarning o‘qishni tamomlaganlaridan so‘ng kamida 3 yil ishlab berish majburiyati bekor qilindi.
