Ta’tildan foydalanish davri boshlanishi mehnat shartnomasi bo‘yicha ish boshlangan kundan boshlab, oxiri esa, qonunchilik hujjatlariga va ichki lokal hujjatlarga muvofiq mehnat ta’tili muddatini aniqlash uchun ish stajiga kiritiladigan o‘n ikki oylik davrning oxirgi kalendar sanasi bo‘yicha belgilanadigan ish yilidan kelib chiqib aniqlanadi.
Mehnat kodeksining 134-moddasiga muvofiq xodimga beriladigan yillik mehnat ta’tilining muddati 15 ish kunidan kam bo‘lmasligi kerak.
Bunda qonunchilik hujjatlarida yoxud jamoa va/yoki mehnat shartnomalarida yillik asosiy mehnat ta’tilining muddati belgilanishi mumkin.
Agarda o‘qituvchi o‘rindoshlik asosida ishlagan bo‘lsa, bu o‘qituvchiga ishlagan davri uchun ta’til puli (otpusknoy) hisoblanmaydi.
Soatbay haq to‘lash miqdori tarkibiga mehnat ta’tili haqi kiritilganligi tufayli o‘rindoshlik asosida ishlovchi xodimlarga ta’til puli to‘lanmaydi.
