Toshkent shahar Chilonzor tumanidagi 357-sonli maktabning 11-sinf o‘quvchisi Nozimaxon Qadamova xalqaro IELTS imtihonidan maksimal natija — 9.0 ballni qo‘lga kiritdi.
U 2008-yilda Toshkent shahrida tug‘ilgan va hozir 17 yoshda. Nozimaxon ushbu yutug‘i bilan O‘zbekistonda IELTS dan maksimal ballni olgan eng yosh o‘quvchi qiz sifatida tanildi.
Ingliz tilini 2023-yil yozidan o‘rganishni boshlagan Nozimaxon qisqa vaqt ichida yuqori darajaga erishdi. Imtihondagi ko‘rsatkichlari quyidagicha:
– Listening — 8.5;
– Reading — 9.0;
– Writing — 9.0;
– Speaking — 8.5
Umumiy natija — 9.0.
U o‘z maqsadlari sari intilib, muntazam mehnat qilish tarafdori.
“Bugungi natijalarim ota-onamning duolari va o‘z ustimda tinimsiz ishlashim samarasi. Men uchun sabr, qat’iyat va mehnatsevarlik — muvaffaqiyat kalitidir,” — deydi u.
