Saida Mirziyoyeva “Ko‘ngil Ko‘zi” loyihasi doirasida Toshkent planetariysida ko‘rishda nuqsoni bo‘lgan samarqandlik bolalar bilan uchrashdi. Bu haqda o’zining telegramdagi sahifasida xabar berdi.
“Bolalar o‘zlarining ijod namunalari bilan o‘rtoqlashdilar. Ular orasida ijodkor va chinakam iqtidor egalari shu qadar ko‘pki, bundan benihoya quvondim! Shuningdek, “Dot Pad” texnologiyasi yordamida ular quyosh tizimini “ushlab ko‘rish” imkoniga ega bo‘lishdi! Bu qiziqarli tajriba ilm-fan hamma uchun ochiq va manfaatli ekanining isbotidir”, – deydi Saida Mirziyoyeva.
