Xorazm viloyati Urganch tumanidagi 13-umumta‘lim maktabining 2 yillik ish stajiga ega bo’lgan boshlang’ich sinf o’qituvchisi Munisa Raximboyeva attestatsiya sinovlarida 96 ball bilan birinchi malaka toifasiga ega bo’ldi.
Bu haqda Xorazm viloyati Maktabgacha va maktab ta’limi boshqarmasi matbuot xizmati xabar bergan.
Bundan avval, Surxondaryo viloyati hamda Buxorolik ikki o’qituvchi 92 va 94 ball olishgani haqida xabar bergan edik.
Toifa olish uchun qancha ball to’plash kerak?
Pedagog-o‘qituvchilar majburiy attestatsiyadan o‘tishda me’yoriy hujjatlarda ko‘rsatilgan tartib bo‘yicha saralanadi.
Oliy malaka toifali yoki bosh o‘qituvchi lavozimidagi pedagog kadr:
–80 ball va undan yuqori ko‘rsatkichga ega bo‘lsa — attestatsiyadan o‘tgan, oliy malaka toifasi (bosh o‘qituvchi lavozimi) saqlangan;
–80 balldan kam ko‘rsatkichga ega bo‘lsa — attestatsiyadan o‘tmagan, birinchi malaka toifasiga (yetakchi o‘qituvchi lavozimiga)
–tushirilgan (navbatdan tashqari attestatsiyaga jalb etilgan pedagog kadrlar bundan mustasno);
Birinchi malaka toifali yoki yetakchi o‘qituvchi lavozimidagi pedagog kadr:
–80 ball va undan yuqori ko‘rsatkichga ega bo‘lsa — attestatsiyadan o‘tgan, oliy malaka toifasi (bosh o‘qituvchi lavozimi) berilgan;
–70 balldan 79 ballgacha ko‘rsatkichga ega bo‘lsa — attestatsiyadan o‘tgan, birinchi malaka toifasi (yetakchi o‘qituvchi lavozimi) saqlangan;
–70 balldan kam ko‘rsatkichga ega bo‘lsa — attestatsiyadan o‘tmagan, ikkinchi malaka toifasiga (katta o‘qituvchi lavozimiga) tushirilgan (navbatdan tashqari attestatsiyaga jalb etilgan pedagog kadrlar bundan mustasno);
Ikkinchi malaka toifali yoki katta o‘qituvchi lavozimidagi pedagog kadr:
–70 ball va undan yuqori ko‘rsatkichga ega bo‘lsa — attestatsiyadan o‘tgan, birinchi malaka toifasi (yetakchi o‘qituvchi lavozimi) berilgan;
–60 balldan 69 ballgacha ko‘rsatkichga ega bo‘lsa — attestatsiyadan o‘tgan, ikkinchi malaka toifasi (katta o‘qituvchi lavozimi) saqlangan;
–60 balldan kam ko‘rsatkichga ega bo‘lsa — attestatsiyadan o‘tmagan, mutaxassis (oliy ma’lumotli o‘qituvchi) lavozimiga tushirilgan (navbatdan tashqari attestatsiyaga jalb etilgan pedagog kadrlar bundan mustasno);
Mutaxassis yoki oliy ma’lumotli o‘qituvchi lavozimidagi pedagog kadr:
–60 ball va undan yuqori ko‘rsatkichga ega bo‘lsa — attestatsiyadan o‘tgan, ikkinchi malaka toifasi (katta o‘qituvchi lavozimi) berilgan;
–55 balldan 59 ballgacha ko‘rsatkichga ega bo‘lsa — attestatsizdan o‘tgan, mutaxassis (oliy ma’lumotli o‘qituvchi) lavozimi saqlangan;
–55 balldan kam ko‘rsatkichga ega bo‘lsa — attestatsiyadan o‘tmagan, mutaxassis (oliy ma’lumotli o‘qituvchi) lavozimiga muvofiq emas deb (navbatdan tashqari attestatsiyaga jalb etilgan pedagog kadrlar bundan mustasno) hisoblanadi.
Eslatma! Attestatsiya sinovlariga quyidagi botlarga joylangan yangi diagnostika testlar bilan tayyorgarlik ko’ring:
O’zbek tilida: @uztditestbot
Qoraqalpoq tilida: @uztdi_qrtestbot
Rus tilida: @uztdi_rustestbot
