Бухоро вилояти Олот тумани ихтисослаштирилган мактаб интернатининг 11-синф ўқувчиси Ғуломова Нигора 5та фандан миллий сертификатларни қўлга киритди.
Биология – 69.94 балл (А)
Кимё – 63.45 балл (B+)
Ўзбек тили ва адабиёти – 62.8 балл (B+)
Математика – 52.03 балл (C+)
Тарих – 49 балл (C)
Маълумот учун, тест натижалари халқаро методика – Раш модели асосида ҳисобланган бўлиб, талабгорларга тўплаган бали асосида қуйидагича сертификат тақдим этилади:
70 баллдан юқори балл — А+ даража;
65 – 69,9 балл — А даража;
60 – 64,9 балл — B+ даража;
55 – 59,9 балл — B даража;
50 – 54,9 балл — C+ даража;
46 – 49,9 балл — C даража.
Сертификатга эга абитуриентларга ОТМларнинг бакалавриатига кириш тест синовларида қуйидаги тартибда балл берилади:
- А+, А даражали сертификат учун — тегишли мутахассислик фанидан максимал балл;
- B+, B, C+, C даражали сертификат учун — тегишли мутахассислик фанидан пропорционал балл;
- А+, А, B+, B, C+, C даражали сертификат учун — тегишли мажбурий фандан максимал балл.
Академик лицейларга кириш тест синовларида сертификати мавжуд ўқувчиларга тегишли фандан максимал балл берилади.
Аввалроқ, Самарқандда 3 нафар 9-синф ўқувчиси тарих фанидан А+ даражадаги сертификатларга эга бўлгани ҳақида хабар берган эдик.
Шунингдек, андижонлик 11-синф ўқувчи 5 та фандан максимал даражадаги сертификатни олиб, муддатидан олдин давлат грантини қўлга киритгани ҳақида хабар берган эдик.
