Санкт-Петербург миллий тадқиқот университетининг Ахборот технологиялари ва дастурлаш факультетида таҳсил олаётган ўзбекистонлик Карен Баратянс «Мах» миллий мессенжери учун чат-ботлар ва мини-иловаларни ишлаб чиқиш бўйича талабалар танловида «TinchTech” лойиҳаси билан иккинчи ўринни эгаллади. Бу ҳақда «Дунё» ахборот агентлиги хабар берди.
Танловнинг финал босқичи Москвада бўлиб ўтган. Финалга «МАХ» (Москва хакатонлар академияси) ва «VK Education» экспертлари томонидан танланган 1,5 мингдан ортиқ иштирокчилардан иборат 56 та жамоа чиққан.
Жамоалар 50 дан ортиқ бот прототиплари ва мини-иловаларни тақдим этган. «МАХ» миллий мессенжери учун чат-ботлар ва мини-иловалар яратиш бўйича биринчи талабалар хакатони финали рақамлаштириш, самарадорлик ва ижтимоий трек йўналишида бўлган.
«VK Education» таълим лойиҳалари бўйича вице-президент ўринбосари Анна Степанова танловга билдирилган қизиқиш юқори бўлганини таъкидлаган. Унинг маълумотига кўра, компания мамлакатнинг турли ҳудудларидан 2,7 мингдан ортиқ аризаларни қабул қилган.
Шунингдек, Степанова иштирокчилар томонидан Мах мессенжери учун долзарб ва амалий мини-иловалар ҳамда чат-ботлар ишлаб чиқилганини қайд этган. Унга кўра, энг яхши лойиҳалар миллий мессенжер доирасида янада ривожлантирилиши учун VK томонидан қўллаб-қувватланади.
