Жорий йил 4 декабрь куни Токио полицияси «Kaikatsu Club» интернет-кафе тармоғи операторига киберҳужум уюштирганликда гумон қилинаётган 17 ёшли ўсмирга нисбатан ҳибсга олиш ордерини берди.
Метрополитен полиция бошқармаси Осака шаҳрида яшовчи, ўрта мактабнинг иккинчи босқичида ўқийдиган ўсмирни компьютерга рухсатсиз кириш тўғрисидаги қонунни бузганликда ва бизнес фаолиятига фирибгарлик йўли билан тўсқинлик қилганликда айбламоқда.
Ўқувчининг жавоби эса барчани ҳайратда қолдирган. Бола айбловларни тан олиб, терговчиларга тизимларда заифликларни топиш қизиқарли бўлгани учун буни қилганини айтган.
MPD маълумотларига кўра, йигит ChatGPT сунъий интеллект чатботидан фойдаланиб яратган компьютер дастури ёрдамида «Kaikatsu Club»га аъзо бўлган шахслар ҳақидаги тахминан 7,25 миллионта маълумот тўпламини ноқонуний равишда қўлга киритган.
Бола ўзидаги шахсий маълумотлардан ёмон мақсадда фойдаланмагани аниқланган.
