Президент фармонида белгиланишича, Янги Тошкент ҳудудидан университетнинг замонавий кампусини барпо этиш учун зарур ҳудуд ажратилади. Қурилиш ишлари 2028 йилда якунланади.
Адлия вазирлиги буюртмачи билан биргаликда энг мақбул таклифларни танлаш асосида ТДЮнинг замонавий кампусини қуриш ишларини ташкил этади.
Кампусни лойиҳалаш ва қуриш жараёнига ҳамда уни молиялаштиришга халқаро молия институтлари, халқаро, минтақавий ва хорижий банкларнинг имтиёзли маблағларини ҳамда хорижий йирик қурувчи компанияларни жалб этиш чоралари кўрилади.
Юридик универсиитетнинг амалдаги бинолари ўрнида:
—ТЮ ҳузуридаги Ўзбекистон ҳуқуқи тарихи музейи;
—Ўзбекистон низоларни ҳал этиш маркази;
—ТДЮ Рақамли ҳуқуқ маркази;
—Рақамли суд экспертиза маркази жойлаштирилади.
Маълумот учун, 2025 йил 26 ноябрь куни «Ўзбекистон Республикасида юридик таълим ва илм-фанни янада ислоҳ қилиш чора-тадбирлари тўғрисида»ги ПФ–232-сонли Президент Фармони қабул қилинди.
