Бухоро туманидаги 19-умумтаълим мактабининг 11-синф ўқувчиси Гулноза Исомидинова халқаро имтиҳонларда IELTS да 8 балл, SАТ да 1550 баллни қайд этди.
Гулноза Исомидинова айни пайтда инглиз тили ва математика фанларини чуқур ўрганиб келмоқда.
2025–2026-ўқув йилида ўтказилган асосий фан олимпиадасининг II туман босқичида инглиз тили фанидан максимал 50 баллдан 50 балл тўплаб, 1-ўринни эгаллади ҳамда вилоят босқичида иштирок этиш йўлланмасини қўлга киритган.
IELTS 8 (C1)
Listening – 8.5
Reading – 8.5
Writing – 6.5
Speaking – 8
Аввалроқ, Сирдарёда 11-умумтаълим мактабининг 11-синф ўқувчилари — Убайдуллаев Султонбек IELTS халқаро имтиҳонидан 7 балл, Ахроржонов Шоҳрух 7.5 даражадаги халқаро сертификатга эга бўлишганди.
Наманган шаҳридаги 1- умумтаълим мактабининг 11-синф ўқувчиси Нигина Абдуллаева инглиз тили бўйича халқаро IELTS имтиҳонида 8 баллик натижани қўлга киритган эди.
Шунингдек, IELTS дан 9.0 баллни қўлга киритган 17 ёшли Нозима Қадамова ҳақида хабар берган эдик ва у билан бўлиб ўтган суҳбатни эътиборингизга ҳавола қилган эдик.
