Ҳиндистонлик 30 ёшли Ракеш Кумар Санкт-Петербургга ўқиш учун борганидан кўп ўтмай Россия Мудофаа вазирлиги билан мажбурий шартнома имзоланиб, фронтга юборилган. Бу ҳақда Тҳе Тимес оф Индиа хабар берди.
Кумар 7 август куни ўқув визаси билан Россияга келган. Орадан кўп ўтмай у оиласига вазият режадагидек кетмаётгани ҳақида ишора қила бошлаган. Кейинроқ акасига қўнғироқ қилиб, уни зўрлик билан армияга жалб этишганини ва тез орада жанг майдонига жўнатишларини айтган. Шу суҳбатдан сўнг унинг телефони ўчиб қолган. Бироздан кейин эса яқинлари унинг Россия ҳарбий формасида тушган суратини кўриб қолишган.
Бир неча кундан кейин Кумар бошқа рус рақамидан алоқага чиққан. У суҳбат давомида паспорти ва барча шахсий ҳужжатлари олиб қўйилганини, электрон почтаси ўчириб ташланганини ва Донбассда жанговар тайёргарликка жалб қилинганини айтган. Шундан кейин у билан боғланиш имконсиз бўлиб қолган.
Кумарнинг яқинлари Ҳиндистон ҳукуматидан ёрдам сўраб мурожаат қилган.
