Бугун математика, кимё ва география фанларидан 2025 йилнинг 2-ярмида бўлиб ўтадиган миллий сертификат имтиҳони учун рўйхатга олишнинг охирги куни. Тўловларни эса эртага, 13 сентябргача амалга ошириш лозим.
Тест синовлари 4-5 октябрь кунлари бўлиб ўтса, натижалар 3 ноябрь куни эълон қилинади.
Умумтаълим фанларини билиш даражасини аниқлаш бўйича имтиҳонлар октябрь, ноябрь ва декабрь ойларида ўтказилади.
Миллий сертификат учун талабгорлар my.gov.uz сайти орқали онлайн тарзда рўйхатга олинади.
Талабгорлар сентябрь, октябрь ва ноябрь ойларида бўлиб ўтадиган миллий сертификат имтиҳонлари учун 20 августдан бошлаб, декабрь ойидаги миллий сертификат имтиҳонлари учун 10 ноябрдан бошлаб рўйхатдан ўтишлари мумкин.
Рўйхатдан ўтишда талабгорлар ўзларига қулай бўлган ҳудудни танлаган ҳолда мазкур ҳудудда имтиҳонларда иштирок этишлари мумкин.
