Статистикага кўра, Ўзбекистонда 2025 йилнинг январь июнь ойлари давомида электрон хизматлар кўрсатувчи 72 та хорижий компания томонидан 78 млрд сўмдан ортиқ солиқ тўланган.
Бу миқдор 2024 йилнинг мос даврига нисбатан 42 фоизга ўсган. Тўланган солиқларнинг 94 фоизи қуйидаги 10 та компания ҳиссасига тўғри келади:
Meta — 22,6 млрд сўм;
Apple — 22,1 млрд сўм;
Google — 19,4 млрд сўм;
OpenAI — 2,9 млрд сўм;
Booking.com — 1,9 млрд сўм;
TikTok — 1,8 млрд сўм;
Netflix — 896,2 млн сўм;
Аcca — 797,1 млн сўм;
Zoom — 786,7 млн сўм;
Adobe — 530,8 млн сўм.
Маълумот учун, ChatGPT сунъий интеллект моделини яратган ОpenAI компанияси шу йилнинг апрель ойида Ўзбекистонда солиқ тўловчи сифатида рўйхатдан ўтган эди. Компания 2025 йилнинг биринчи чорагидаёқ энг йирик солиқ тўловчилар ўнлигига кирган.
