Олий таълим, фан ва инноватсиялар вазирлиги томонидан ташкил этилган “Энг яхши ғоя”, “Энг яхши лойиҳа” ва “Энг яхши ихтиро” йўналишлари бўйича муҳандислик соҳасидаги Республика кўрик-танловининг якуний босқичи бошланди.
Бу танлов — Ўзбекистон ёшларининг илмий-инноватсион салоҳиятини амалга татбиқ этиш, муҳандислик ва техник ижод соҳасидаги ечимлар орқали мамлакат ривожига ҳисса қўшишга қаратилган муҳим майдонга айланмоқда.
Танлов рақамларда:
– 1262 та ариза муҳандис.эду.уз платформаси орқали қабул қилинган;
– Шундан 1055 та лойиҳа техник экспертизадан ўтган;
– 135 нафар иштирокчи якуний босқичга йўлланма олган;
Якуний босқичда 9 та электромобил лойиҳаси учун тахминан 15 нафар иштирокчи рақобатлашмоқда.
Иштирокчилар — 40 ёшгача бўлган талабалар, ўқитувчилар ва амалиётчи муҳандислар. Улар уч тоифада баҳоланмоқда ва ҳар бир иштирокчи нафақат ғалаба учун, балки ўз инноватсион ғоясини амалиётда намойиш этиш учун майдонга чиқмоқда.
Якуний босқичда мутахассислар ва мукофотлар ҳам жиддий
Якуний босқичда иштирокчилар ўз лойиҳаларини Олий таълим, фан ва инноватсиялар вазирлиги вакиллари, йирик саноат корхоналари раҳбарлари, ҳамда тажрибали экспертлардан иборат хакамлар ҳайъати олдида ҳимоя қилмоқда.
Танлов натижаларига кўра:
1-ўрин соҳиблари — БЙД Чазор электромобили билан тақдирланади;
2-ўрин эгалари — хорижий амалиёт имкониятини қўлга киритади;
3-ўрин — БҲМнинг 50 баробари миқдорида пул мукофотини олади.
Бу нафақат ижодий ва илмий беллашув, балки амалиётга йўл очувчи, меҳнат бозорида рақобатбардош муҳандисларни тайёрлашга хизмат қилувчи мустаҳкам платформага айланган.
Тақдим этилаётган лойиҳалар нафақат ноодатий ечимлар, балки турли соҳалардаги амалий муаммоларга техник ва технологик ёндашувларни таклиф қилмоқда. Электромобиллар, сунъий интеллект, энергия тежовчи технологиялар ва рақамли муҳандислик каби йўналишлар бу танловда алоҳида ўрин тутади.
