23 июль куни давлат ОТМларининг бакалавриатига кириш учун тест имтиҳонларининг сўнгги куни. 27 июлдан эса, кириш имтиҳонининг иккинчи — танлов босқичи бошланади ва 10 июлъгача давом этади.
Абитуриентларга йўналиш танлаш ҳуқуқи берилганда давлат грантини устуворлик сифатида белгилаши мумкин.
Бунда абитуриент устуворлик сифатида:
Давлат грантини танласа — танлаган барча таълим йўналишларида дастлаб давлат гранти, сўнгра тўлов-контракт асосида сараланади;
Таълим йўналишини танласа — аввал ҳар бир таълим йўналишида давлат гранти ва тўлов-контракт асосида кетма-кет танловда иштирок этади.
Масалан, кимдир «менга қайси бешта йўналишдан бирига киришимнинг фарқи йўқ, асосийси давлат грантига киришим керак», деса, унда устуворликни грантга беради. Кимдир эса аксинча «мен биринчи танлаган йўналишимга киришим шарт, контрактга кирсам ҳам розиман» деса унда устуворликни йўналишга беради.
Шунингдек, абитуриентлар таълим шаклини танлайди. Бунда улар ўзларига қулай бўлган исталган таълим шакли, яъни кундузги, кечки ва масофавий шаклларни танлаши мумкин.
Эслатма! Танлов босқичи якунлангандан ёки мандат чиққандан сўнг устуворликни алмаштиришнинг имконияти йўқ
