YouTube 2025 йил 15 июлдан бошлаб сунъий интеллект ёрдамида яратилган видеоларни монетизация қилишни тўхтатишини маълум қилди.
Монетизация — бу видеолардан пул топиш жараёни, яъни видеоларни кўрган одамлар орқали рекламадан ёки бошқа йўллар билан даромад олиш дегани.
Бу ўзгариш платформада сунъий медианинг ҳаққонийлиги, сифати ва этик жиҳатлари ҳақида ортиб бораётган хавотирларга жавоб сифатида жорий қилинган.
Генератив сунъий интеллект воситалари инсоннинг минимал иштироки билан ишонарли видеоларни яратишни ҳеч қачон бунчалик осон қилмаган эди. Бу технология ижодкорликни ва имкониятларни кенгайтирган бўлсада, бир вақтнинг ўзида платформада сифатсиз, чалғитувчи ёки тўлиқ уйдирма контентнинг кўпайишига сабаб бўлган.
Натижада, рекламачилар ва томошабинлар ёлғон маълумот тарқатилиши, муаллифлик ҳуқуқи бузилиши ҳамда бренд хавфсизлигига боғлиқ хатарлардан хавотирдалигини билдирган.
