Эртага, 9-июль куни Ихтисослаштирилган мактабларнинг 5-синф аниқ фанлар йўналиши учун кириш имтиҳонлари бўлиб ўтади.
Шу сабабли кириш имтиҳонларида ота-оналардан қуйидаги тартиб-қоидаларга амал қилиш сўралади:
— Фарзандингизни имтиҳон ўтказилиши белгиланган манзилга ўз вақтида олиб келишингиз ва имтиҳондан сўнг ўзингиз билан олиб кетишингиз лозим;
— Иссиқ об-ҳавони инобатга олиб, фарзандингизни енгил ва қулай кийимларда кийинтиринг;
— Имтиҳонга келишдан олдин фарзандингиз тўйимли ва енгил нонушта қилганига эътибор беринг (ёғли, ҳазм қилишни қийинлаштирадиган таомлардан сақланинг);
Ушбу тартибларга риоя қилишингиз фарзандингизнинг имтиҳон вақтида ўзини қулай ва хотиржам ҳис этишига ёрдам беради.
Ёдингизда бўлсин: имтиҳонда «ёрдам» беришни ваъда қилаётган шахсларга асло ишонманг. Бу фирибгарликдир!
Маълумот учун: Талабгорлар имтиҳон бошланишидан 1,5 соат олдин туғилганлик ҳақидаги гувоҳноманинг асл нусхаси ҳамда рухсатнома билан келишлари шарт.
— 1-смена: соат 8:00 да
— 2-смена: соат 12:00 да
— 3-смена: соат 17:00 да
Саволлар бўйича 1206 га қўнғироқ қилишингиз мумкин.
