Кеча, 1-июль куни Францияда ҳаво ҳарорати 40 даражадан ошгани боис, мамлакатнинг турли ҳудудларида жойлашган тахминан 1350 та давлат мактаблари вақтинча ёпилди.
Маҳаллий ҳокимиятнинг расмий баёнотига кўра, таълим муассасалари салбий об-ҳаво шароитлари туфайли 1 кун давомида тўлиқ ёки қисман ёпилган. Кун давомида ҳаво ҳарорати 20 дан 41 даражагача кўтарилган.
Аввалги куни айнан шу сабабдан яна 750 та мактаб фаолияти тўхтатилган эди.
Météo-France метеорологик агентлигининг маълумотларига кўра, мамлакатнинг 16 та департаментида, шу жумладан Парижда, «қизил хавф» даражаси эълон қилинган. Бундан ташқари, яна 68 та департаментда эса «тўқ сариқ» хавф даражаси амал қилмоқда.
