Ижтимоий тармоқларда, хусусан Аspekt24.uz телеграм каналида педагоглар аттестациясига оид қуйидаги талқиндаги хабарлар тарқалди:
«Ушбу педагогларни ким эшитади? Мана бир неча кундирки ўқитувчилар учун ўтказилган аттестация жараёнлари ҳолис ўтмаганлиги айтилаяпти ва педагог ходимлар норози бўлмоқдалар кўп холатлар эса фақат кўз бўямачиликдан далолат бермоқда. Тест жавобларини сотилиши ортидан кимлардир даромад олмоқдами?» деб ёзилади хабарда.
Мактабгача ва мактаб таълими вазирлиги ҳолат юзасидан изоҳ берди. Вазирликнинг маълумот беришича, ушбу лавҳалар айни вақтда ўтаётган аттестация синов жараёнларига тегишли эмас.
Шунингдек, бошқа бир ижтимоий фаолларнинг ёзишиша, ушбу кадрлар аттестацияга алоқаси йўқ бўлиб, видеода қишда МТТ директорларининг менежерлик сертификати учун ўтказилган тест синовларидаги ҳолатлар акс этган.
