Турк тилини билиш даражасини аниқлаш имтиҳони учун рухсатномалар тақдим этилди

Чет тили (турк тили)ни билиш даражасини аниқлаш бўйича бўлиб ўтадиган навбатдаги имтиҳон санаси эълон қилинди. Унга кўра:

– имтиҳоннинг ёзма қисми — 2 март куни;

– гапириш кўникмасини баҳолаш имтиҳонлари — 3-14 март кунлари бўлиб ўтади.

Талабгорлар имтиҳон жойи, куни ва аниқ вақтини my.gov.uz сайтининг «Менинг аризаларим» бўлимидан билишлари ва рухсатномани юклаб олишлари мумкин.

Талабгорлардан тест синовига белгиланган вақтдан камида бир соат олдин шахсини тасдиқловчи ҳужжат (паспорт ёки ID-карта) билан келишлари сўралади.

Имтиҳон ўтказиладиган жойлар ва уларнинг жойлашуви — Геолокация