АҚШ бўйлаб 19 та мактаб сунъий интеллект (СИ) технологиаларидан таълим жараёнида янада самарали фойдаланиш мақсадида ўзаро ҳамкорликни йўлга қўйди. Ушбу ташаббус Leading Educators va The Learning Acceleratorномли миллий нодавлат ташкилотлар томонидан бошқарилмоқда.
Бу мактаблар гуруҳи СИ технологияларидан фойдаланишнинг энг самарали усулларини аниқлаш ва ўқитувчиларга дарс режалари тузишда ҳамда ўқувчиларга конструктив фикр-мулоҳаза беришда СИ воситаларидан фойдаланишга ёрдам беришни мақсад қилган.
Сунъий интеллект таълим жараёнини қандай ўзгартирмоқда?
Ташаббус доирасида, мактаб ўқитувчилари турли технологиялар ёрдамида таълим жараёнини оптималлаштиришга ҳаракат қилмоқда. Денвердаги DSST: College View High School мактабида ўқувчиларга чатботлар яратиш ўргатилмоқда. Бу эса ўқувчиларга СИ технологияларидан амалий фойдаланиш ва муаммоларни мустақил ҳал қилиш кўникмаларини ривожлантиришга имкон яратади.
Мактаблар, шунингдек, СИ орқали дарсликлар ва тест материалларини ишлаб чиқиш, баҳолаш жараёнларини автоматлаштириш ҳамда ўқитувчиларнинг дарс тайёрлаш жараёнини енгиллаштириш йўналишларида иш олиб бормоқда.
Ўқитувчиларнинг СИ бўйича малакасини ошириш
Лойиҳанинг муҳим жиҳатларидан бири — ўқитувчиларнинг сунъий интеллектдан фойдаланиш бўйича малакасини ошириш. Ўқитувчилар СИ билан ишлаш бўйича ўқув дастурларида иштирок этиб, ўз тажрибаларини бошқа таълим муассасалари билан бўлишиш имкониятига эга бўладилар.
Бу мактаблар ҳамкорлик орқали қуйидаги йўналишларни ривожлантиришга интилмоқда:
-СИ ёрдамида ўқувчиларга шахсий ёндашувни кучайтириш;
-Ўқитувчиларнинг юкламасини камайтириш ва таълим жараёнини соддалаштириш;
-Ўқувчиларнинг СИ технологияларидан фойдаланиш кўникмаларини ривожлантириш;
Келажакдаги режалари
Ташаббус муаллифлари ушбу тажрибани янада кенгайтириш ва турли мактабларда синаб кўриш орқали сунъий интеллект таълим жараёнини қандай ўзгартираётганини тушунишни мақсад қилган. Улар келажакда СИ технологияларининг таълимдаги ролини янада мустаҳкамлаш ва унинг самарадорлигини оширишга қаратилган тадқиқотлар ўтказишни режалаштирмоқда
Мактабларнинг СИ бўйича ўзаро ҳамкорликни йўлга қўйиши таълим сифатини оширишда муҳим қадам ҳисобланади. Бу эса ўқувчиларга келажак касбларига тайёргарлик кўришда катта ёрдам беради.
